Job 5 - Cofán: Chiga Tevaen'jen

⁸ Ña quia'caen da'choecan'da gi Chiganga catsepa ña in'jan'choma tisenga condaye'can.

⁹ ¡Nane tiseja osha'cho ingi atesumbichoa'ma oshachosi tise agattoen'choja agatto'ma'sia tsu!

¹⁰ Tiseja unjima andenga tuiñamba poi nasipama tssipoemba cu'choen.

¹¹ Bove'ccondeqquiama ti'tsse'tssia've jangiamba vana'jen'chondeccuma'qque coira dyo'fasa'ne.

¹² Nane injama'pandeqquia asi'ttaemba in'jan'choma daño cuintsu sema'ma ñotsse tsombe can'faye.

¹³ Na'su Chigaja injama'pandeqquiama tise'pa injan'choi'ccu tsu qqueñaña. Tise'pa asi'ttaemba in'jan'choma'qque tsu sefaeña.