Job 4 - Cofán: Chiga Tevaen'jen

Amigondeccui'ccu condasecco'fa'cho

¹ Tsonsi fa'e Job amigo, Elifazja su:

² ¿Ña quema iñajampañasi iyicca'yeya'bi ti qui? Nane oshambi gi afambe dyaiye.

³ Queja tsain'bio a'ima atesiamba oshambi'choama'qque quiñaen.

⁴ Amppi'choma qui fuite cuintsu ccase ccutsuye. Toya ccutsu'choma qui angacan amppisa'ne.

⁵ ¿Tsa'ma ja'ño que'qque vana'jemba ti qui ñoquimbi? Nane quenga pporosi qui injama'cho shaca.

⁶ Queja ñotsse tsomba ñoa'me Chigama pañamba shondo'suta ¿mingapa qui tise've in'jamba opatsse cansembi?

⁷ Asi'ttaemba ñotsse in'janjan: Ni fae egave atesumbi'choaja injanga vanamba pambi.

⁸ Ña camba in'jan'cho tsu: Majan in'jangae tsincon'da tsu tsama jonqquia'caen tsa'caen ti'tsse egave taiya.

⁹ Chigaja tsama iyicca'yepa tsangae nanimba ufaqquia'caen ufa sefaeña.