Job 3 - Cofán: Chiga Tevaen'jen

Job vana'jemba afa'cho

¹ Osefa'poe Jobja ziyapayi dyai'cho afaye ashaemba tise isuye'cho a'tama afasepa

² qquen su:

¹¹ Ña mama ttopani toya can'jembayi pa'choecan'da tsu bove ñotssiye'can. Tsambi'ta isu'jeniñi pa'choecan'da tsu ñoa'me bove ñotssiye'can.

¹² ¿Jongoesie qui ñama isupa canseye anttepa chochoemba coeña'fa?

¹³ Nane tsaiteyi pa'choecan'da gi ja'ñojan opatsse ana'jenqquia'caen tsangae ppimppintsse can'jeñe'can.

²⁰ ¿Jongoesie tsu Chigaja antte cuintsu qquen vanaña'cho isuyepa canseye? ¿Jongoesie tsu noñangiañemba qquen ñombi'ye'jeya'cho canseye'ta antte?

²¹ Tsaja cori boña'choma tta'ttaqquia'caen ma'caen tisu junde paye in'jamba tta'tta'a'qque ñoa'me atteye oshambi.

²² Nane tsaja maqui atu'ttinga andian'fasi tsu avujatssiya.

²³ Chiga anttesi tise sinttiani jacansi sinttiaja poifama picco tise jasa'ne.

²⁴ Anqque'suve in'jamba attuse'je canse. Cui'ccuve in'jamba iña'sui'ccu can'jen.

²⁵ ¡Ñama dyoñaña'cho tsu tayo nepi! Osha'cho ña asi'ttaemba chi'ga'choma tsu tayo ñanga tson.

²⁶ Ñofaccaye oshambipa ppimppintsse can'jembi gi. Nane osha'cho zuccosi gi opatsse cansembi.