Job 19 - Cofán: Chiga Tevaen'jen

¹ Jobja tise'pama pañamba su:

² ¿Mi'nge'e qui ñama noñangian'faya? ¿Mi'nge'e qui aya'fai'ccu ñama daño'faya?

³ Tsain'bie qui ñama afase'fa. ¿Tsa'caen tson'jemba ansange'fambi ti qui?

²¹ Ñama mende'ye'faja. Que'i qui ña amigondeccu. Chiga tise tivei'ccu ñama dañosi ñama mende'ye'faja.

²² ¿Jongoesie qui Chigama'caen ñama mandian'jen'fa? ¿Nanitsse ñama ain'caen tsai'fambi ti qui?

²³ ¡In'jan gi majan ña aya'fa su'choma jongoesu congon'ma'sia'nga tevaeñe cuintsu tsangae jinchoye!

²⁴ ¡Nane yoshava rapi'ccu plomonga quiccu indipa tevaeñe, tsambi'ta patunga ochhai tevaeñe tsama aqque'pasa'ne!

²⁵ ¡In'jamba gi atesu ñama ccushaen'su canse'chove! Tiseja va andeni can'jemba ñama ñoquiaña

²⁶ cuintsu ña ai'vo'su na congoña'cca'ni'qque toya camba'jui'ccu Chigama atteye.