Job 13 - Cofán: Chiga Tevaen'jen

¹ Ña tso'fei'ccu pa'cco vama attepa gi ña tsosinai'ccu'qque pa'ccoma paña.

² Nane que'i atesuqquia'caen gi ña'qque atesu. Que'ima bove'ccombi gi.

³ Tsa'ma ñajan Chigai'ccu gi afaye in'jan. Nane Osha'choma Oshacho'choi'ccu condaseye gi in'jan.

⁴ Que'ija afopoen'choi'ccu tansintsse su'choma fentendian'jen. Ñoa'me qui se'jeye oshambi'choa seje'su.

⁵ ¡Nane que'ija ziya'choecan'da qui ñoa'me injama'pa qquen attian'faye'can!

⁶ Ña in'jan'choma condasesi ñama in'jamba ñotsse paña'faja. Tse'i Jobja Chigama iñajan:

²⁰ Chiga, ¡Que'ye tisuma a'tuya'bi gi! Nane dos jincho'choma gi in'jan que ñanga antteye.

²¹ Ñama ti'tsse vanaejama ni panshaen ñama dyoñajama.

²² Toya'caen ñama ttu'seja. Ñama ttu'se'ninda gi quema pañaña. Tsambi'ta ña quema ttu'se'ninda ñama pañajan.

²³ Chigáne, ña egae tsincon'cho shacama canjaemba ña egae tsomba in'jangae tsincon'choma'qque condaja. Tsa, Job tres amigondeccu, ti'tsse Jobi'ccu afacco'fasi, Jobja pañamba qquen omboe afa: