Job 12 - Cofán: Chiga Tevaen'jen

¹ Tsonsi Job pañamba qquen su:

² ¡Que'ija poi aindeccune ñoa'me afasundeccusi que'i pa'ninda ñoa'me faesu injama'paja can'jeña'bi! qquen qui in'jan'fa.

³ Tsa'ma ña'qque injama'choni in'jamba osha'chone que'ima bove'ccombi gi. ¿Majan tsu que'i suqquia'caen atesu'fambi?

⁴ Egae tsincombi gi ni shacave an'biambi. Tayoe ñajan Chigama iñajansi tiseja ñama paña. Tsa'ma ja'ño ña amigondeccu'qque ñama afasepa feña'fa.

⁵ Vana'jembi'choaja vana'jen'choma mende'yembi ni amppiye tson'jen'choma fuiteye in'jambi.

⁶ Ccanambandeccu opatsse can'jensi Chigama afasesundeccu'qque ppimppintsse can'jen'fa. Nane tise'pa tiveni chigama an'bianqquia'caen in'jamba patsuqquia'caen can'jen'fa.