Jeremías 33 - Cofán: Chiga Tevaen'jen

David dutssi'ye na'suve daya'cho

¹⁴ Na'su Chigaja tansintsse conda: “Ñoa'me su'choi'ccu Israel toya'caen Judá aindeccuma ñotsse tsoñe qquen su'chopa gi jai'ngae tsa'caen tsoña.

¹⁵ Tsequi a'ta nepisi gi David omba'su dutssi'yema ande na'suve ccutsiaña. Tiseja ñotsse in'jamba ñotssiaveyi tsomba tansintssia'veyi mandaya.

¹⁶ Nane tsequi a'ta Judá aindeccu ccushasi Jerusalénisundeccu'qque opatsse canse'faya. Tsomba tsu tsa canqquema ‘Na'su ingima ccushaen'cho’ qquen inisian'faya.

¹⁷ Ña, Na'su gi su: Anttembe'yi David dutssiyendeccuja Israelma manda'jesi

¹⁸ tsu Leví dutssiyendeccu'qque Chigama afasundeccuve ca'nimba anttembe'yi ñanga afe'choma oque oraen'jen'faya. Ñame in'jamba tsu trigoma afe'cho, faesu afe'choma'qque poi a'ta ñanga afe'je'faya.”

¹⁹ Toya'caen tsu Na'su Chiga Jeremíasnga su:

^20-21 “Ña, Na'su gi su: Ña, coejechiga, cose'suchigama mandapa cambiambiqquia'caen gi ña Davidi'ccu fae'ngae injancco'fa'choma'qque cambiañe oshambi. Nane coejechiga coseve chanjuña'bi ni cose'suchiga a'tave chanjuña'bi. Toya'caen David dutssi'ye mandaya qquen su'chosi tsu tsa'caen manda'jeya. Leví dutssiyendeccu'qque ñanga afe'choma afe'jeya qquen su'chosi tsu tsa'caen afe'je'faya.”