Isaías 54 - Cofán: Chiga Tevaen'jen

Chiga tsangae ingima in'jan'cho

¹ Avujatsse fundo'jeja, dusumbi pushesu. Queja, du'shuve me'cho cansepa, avujatsse settapoenjan. Nane qquen tsu Na'suja su: “Tisuyi canjen'su pushesu tsu tsandu'pama ti'tsse'o dushundeccuve an'bian.”

² Que carpama ti'tsse attajatsse ccutsiamba dyombipa que cuarto'su sarupama ti'tsse randeve dusianjan. Nane carpa tandan'jen'choma biañaemba tandañe dyaiña'jen'choma'qque ta'ya've dyaiñajan.

³ Tansinfanga, pavefanga'qque attajaensi tsu que dutssiyendeccu faesu aindeccuma joqquitssiamba tsa tise'pa canqque catiye'choni can'jen'faya.