Éxodo 25 - Cofán: Chiga Tevaen'jen

Cachuicco'je'ttive ñoñañe afe'cho

¹ Na'su Chiga Moisésnga qquen su:

² “Israendeccuma suja cuintsu tisupa injama'choi'ccu ñoa'me afeye in'jan'da ñame in'jamba afe'choma afe'faye.

³ Nane vasuma tsu afe'faya'cho: cori, totoacori, cu'a yoshava,

⁴ pajaccopa sarupa, toya'caen sarupa singu'a, sarupa cu'a, totoa lino sarupa, chivo tose,

⁵ oveja ttonoma cu'ave onjoen'cho, faesu ñotssia chhariccotssia ttono, ñotssia caova quini'cco,

⁶ tuñoma setsaenqque'su yayapa, Chigambe qquen canjaeñe yayapaenqque'suve toya'caen oque oraenqque'suve ñoñañe ño'metssia ñome'ba,

⁷ ñotssia si'an patu, osha'cho bareqque'su patuve'qque. (Nane tsesu patuma tsu ancaeña'cho Chigama afa'su na'sumbe conto opipa'chonga toya'caen utu'chonga anduqque'suve ñoña'chonga.)

⁸ Toya'caen ña tise'pai'ccu can'jemba cachuicco'jeya'cho ttuccuve'qque ñoñajan.

⁹ Tsa'ma tsa ña can'jeña'cho ttuccu, pa'cco tseni jincho'choma'qque tsu ñoa'me ñotsse pa'ccoma ñoñaña'cho ña quenga canjaenqquiacantsse.”