Esdras 2 - Cofán: Chiga Tevaen'jen

¹ Majan Judá andeni isu'cho israendeccu Nabucodonosor angasi Babiloniani jipa can'jen'chondeccu ja'ño toequi Jerusaléni toya'caen faesu Judá'su canqqueni ja'fa.

² Nane poiyi'cco tsu tisupa canqqueni ja'fa. Tise'pama anga'su na'su tsu Zorobabel.

⁶⁴ Poiyi'cco jasundeccuma agattosi tsu cuarenta y dos mil tresciento sesenta a'i.

⁶⁵ Toya'caen tise'pambe semasundeccu tsu tsandie, pushesui'ccu siete mil tresciento treinta y siete a'i. Toya'caen tsu dosciento settapoen'su tsandie, settapoen'su pushesu'qque jaja'fa.

⁶⁶ Aiña'choma'qque tsu anga'fa: seteciento treinta y seis cavayo, dosciento cuarenta y cinco mula,

⁶⁷ cuatrociento treinta y cinco cameyo, toya'caen seis mil seteciento veinte boroma'qque anga'fa.

⁶⁸ Jerusaléni napipa majan antian'su nasundeccu tayopi Na'su Chiga etti jin'ttinga jipa osha'choma afe'fa tse'ttingayi ccase Chiga ettive tsao'ñañe.

⁶⁹ Nane ma'caen osha'ta tsu tsa'caen afe'fa tsai'ccu Chiga ettive tsao'ñañe: corima cuatrociento ochenta y ocho kilove, totoacorima dos mil seteciento cincuenta kilove, toya'caen cien Chigama afasundeccu ondiccu'jema'qque afe'fa.

⁷⁰ Chigama afasundeccu, levítandeccu, majan faesundeccu tsu Jerusaléni can'jen'fa. Tsa'ma settapoensundeccu, sombo'ttima coirasundeccu, Chiga etti'su semasundeccu, faesu israendeccuta tsu cca'tti cca'tti tise'pa canqqueni can'jen'fa.