Deuteronomio 3 - Cofán: Chiga Tevaen'jen

Moisésma se'pi Canaánni ca'niñe

²³ Toya'caen gi Na'suma qquen iñajan:

²⁴ “Na'su, ña gi quema shondo'su. Queja osha'choma osha'chopa osha'choma ti'tsse joccapitssiapa tsama ñanga canjeñe ashaen. Nane va andeni ni sefacconi can'jembi tsu faesu Chiga quia'caen tsomba osha'cho ti'tsse'tssia've tson'su.

²⁵ Chigáne, antteja ñajan va Jordán na'ema isepa tsa ñotssia andema atteye. In'jan gi tsa ande'su ccotta'ccoma attepa Líbanoma'qque atteye.”

²⁶ Tsa'ma tsa'caen iñajansi Na'suja ñama iyicca'yepa se'pi que'i shacaen'chone. Se'pipa ñama qquen su: “¡Ziyaja! Ccase tsane iñajanjama.

²⁷ Pisga ccotta'cconga ansunde ccutsupa poifa'su andema canjan. Tsa'ma Jordán na'emajan iseya'bi qui.

²⁸ Josuénga condaja tise ma'caen tsoña'chove. Toya'caen tisema in'jaemba quiñaejan. Nane tise tsu israendeccuma angacamba mandaya cuintsu tsa que atte'cho andema patsupa an'bian'faye.”