Deuteronomio 22 - Cofán: Chiga Tevaen'jen

Tsandie pushesui'ccu egae tson'cho

²² Tsandie faesumbe pushei'ccu ccuisi atte'ta tsu poiyi'ccoma indipa fi'ttiya'cho. Nane tsa'caen tsu tsoña'cho cuintsu tsesu egae tsincon'cho israendeccu'ye pasaye.

²³ Tayo iñajañe'cho pushesu toya tise tsa'ndui'ccu can'jembi'choama, faesu tsandie canqqueni tisema attepa fae'ngae can'jensi atte'ta

²⁴ tsu poiyi'ccoma indipa canqque'su nasundeccunga angapa ccutsiaña'cho. Tsonsi tsu nasundeccu tise'pama patui'ccu fi'ttiya'chove manda'faya. Nane pushesu canqqueni can'jemba faesunga indiyepa faesu a'i tisema ccushaeñe fundombi'choa'ne tsu fi'ttiya'cho. Toya'caen tsandie tise faenga'su pusheya'choma daño'chone tsu fi'ttiya'cho. Nane tsa'caen tsu tsoña'cho cuintsu tsesu egae tsincon'cho que'i aindeccu'ye pasaye.