2 Reyes 21 - Cofán: Chiga Tevaen'jen

Manasés Judáma manda'cho

¹ Manasésja doce canqque'fave an'biamba na'suve da. Tise mama inise tsu Hepsiba. Tsa'caen na'suve dapa cincuenta y cinco canqque'fa Jerusaléni can'jemba manda'je.

² Tsa'ma ñotsse manda'jembisi Na'su Chigaja tise egae tson'jen'choma atte. Nane tise tayopi israendeccunga afeye ande'ye joqquitssian'cho aindeccu egae tsonqquia'caen tsu Manasés'qque tson.

¹⁸ Manasés pasi na'su tsaofa'su jomba'cho tetaccunga tisema a'tu'fa. Tsa tetaccu tsu tayopi'su na'su Uza'ye jombachoccu. Tsonsi tsu Manasés dutssi'ye Amón na'suve dapa manda'je.

Amón Judáma manda'cho

¹⁹ Amónjan veinte y cuatro canqque'fave an'biamba na'suve dapa mandaye ashaen. Jerusaléni can'jemba dos canqque'fave manda'je. Tise mama inise tsu Mesulemet. Tsambe yaya tsu Hazur, Jotba dutssi'ye.

²⁰ Tsa'ma Amón'qque tise yaya Manasésa'caen egae tson'jensi Na'su Chigaja tsama atte.

²³ Tsonsi tisema shondosundeccu fae'ngae ñoñamba tisema fi'tti'fa tise na'su ettinga.

²⁶ Fi'ttisi cca'indeccu tisema a'tu'fa na'su atu'tti changonga tsa Uza'ye jombachoccuni. Tsonsi tsu tise dutssi'ye, Josías, na'suve dapa manda'je.