1 Samuel 9 - Cofán: Chiga Tevaen'jen

¹ Israe'su Benjamín aindeccu'su tsu fae a'i, tise inise Cis. Cis yaya tsu Abiel, tsa Zeror dutssi'ye. Zeror yaya tsu Becorat, tsa Afía dutssi'ye. Afíaja ñoa'me tayopi'su Benjamín a'i. Poiyi'cco a'i Cisma ñotsse in'jan'fa.

² Tiseja Saúl yaya tsu. Chu'a tsandie Saúlja ñoa'me ñotssia quin'an a'i. Nane poi israendeccu'su tisema ti'tsse bove ñotssiaja can'jembi. Tiseja bia'asi cca'indeccuja aqquia tise opipa'chongayi nepi'fa.

¹⁵ Saúl toya Samuelma cachuimbi'te Na'su Chigaja tayo Samuelnga conda:

¹⁶ “Tu'i, chiga ja'ñoa'can'ni ñajan queni moeñe tson'jen Benjamín a'i'su tsandiema. Tise jisi tise tsovema aseitei'ccu fetija tsa a'i ande na'suve daya'cho qquen canjaeñe. Tise tsu ña aindeccuma ccushaeña filisteondeccu'ye. Nane ña aindeccu vana'jemba ina'jen'fasi gi tise'pama pañamba ccushaeña.”

¹⁷ Omboe Saúl jisi Samuel tisema attesi Na'su Chigaja su: “Va tsu ña su'cho tsandieja. Tise tsu ña aindeccuma mandaya na'suve dapa.”