1 Samuel 31 - Cofán: Chiga Tevaen'jen

Saúlpa pa'fa'cho

¹ Filisteondeccu israendeccui'ccu iyiccosi tsu israendeccuja ccuya'fa. Nane tsain'bitssi israendeccu tsu pa'fa tsa Gilboa ccotta'cconga.

² Filisteondeccuja Saúl, tise dutssiyendeccuma'qque mandiamba tsu Jonatán, Abinidab toya'caen Malquisúama fittitti'fa.

³ Tsendeccuma fitti'ttipa tsu ti'tsse Saúlma mandian'fa. Tsa'caen tsomba battittiansundeccu tisenga catsepa de'jian'fa.

⁴ Desi Saúlja paye tson'jemba tisema shondo'su sundaroma manda: —Que matichima isupa ñama quiccu po'taenjan ña junde paye. Tsambi'ta va Chigave in'jambindeqquia tsu jipa ñama fi'ttipa ñai'ccu co'fe'faya. Tsa'ma tisema shondo'su sundaro dyojopa in'jambisi Saúlja tisu matichima isupa tsanga amppi cuintsu tisenga depa po'taye.

⁵ Tsa'caen pasi tisema shondo'suja attepa tise'qque tisu matichima isupa tsanga amppi Saúli'ccu fae'ngae paye.

⁶ Tsa'caen tsu fae a'taja Saúl, tise tres dutssiyendeccu, tisema shondo'su sundaro toya'caen poiyi'cco tise sundarondeccu'qque fae'ngae pa'fa.