1 Reyes 6 - Cofán: Chiga Tevaen'jen

¹ Nane Salomónjan ccattufayi canqque'fave israendeccuma mandaye ashaemba tsu Na'su Chiga ettive tsao'ñañe ashaen. Ziv ccovu, tsa canqque'fa'su segundo ccovuni tsu ashaen. Tayo tsu cuatrociento ochenta canqque'fa pasa israendeccu Egipto'ye sombo'cho.

¹¹ Tsonsi Na'su Chigaja Salomónga afapa qquen su:

¹² “Va que tsao'ña'cho ñama iñajan'jen'cho ettine gi quenga su: Queja ña manda'choma pañamba tsa'caen cansepa ña suqquia'caen tson'ninda gi pa'cco ña que yaya David'yenga quene su'choma tsoña.

¹³ Toya'caen gi israel aindeccui'ccu can'jemba tise'pama catiya'bi. Nane ña in'jan'cho aindeccu tsu.”

¹⁴ Tsonsi Salomónjan Chigama iñajan'jen'cho ettive tsao'ñamba nani.

³⁸ Siete canqque'fave semoemba tsu Salomón tise na'suve da'cho once canqque'fave nepisi Bul ccovuni tsa'oma nani. Nane tsa octavo ccovuni tsu osha'choma nanitsse ñoña'fa Na'su Chiga ettive.