1 Reyes 5 - Cofán: Chiga Tevaen'jen

Salomón Hirami'ccu injancco'fa'cho

¹ Tsonsi Hiram, tsa Tiro canqque'su na'su, Salomón tise yaya David'ye pasi tayo israel na'suve fetiye qquen pañamba tise moesi afasundeccuma Salomónga moe. Nane tsa'caen tsu Davidi'ccu ñotsse injanccopa canse'su.

² Salomón tsendeccuma pañamba qquen su'choma Hiramga moe:

³ “Que in'janqquia'caen ña yaya David'ye tisei'ccu iyiccosundeccui'ccu geraemba tise Na'su Chigama iñajan'jen'cho ettive tsao'ñañe oshambi Chiga toya tsendeccuma patsumbi'te.

⁴ Tsa'ma ja'ño Na'su ña Chiga poiyi'ccoma patsusi gi ppimppintsse can'jen'fa. Toya'caen jongoesu tsincon'cho ja'ñojan ingi andema daño'jembi.

⁵ Tsa'cansi gi in'jamba Na'su ña Chigama iñajan'jen'cho tsa'ove tsao'ñañe tson'jen. Nane tayoe tsu Na'suja ña yaya David'yenga conda cuintsu tise dutssi'yema tisema omboe na'suve tsonsi Na'su Chigama iñajan'jen'cho tsa'ove tsao'ñañe.

⁶ Tsa'cansi mandaja cuintsu Libano ande'su shaga'ttoma ttuttupaen'faye. Ñambe semasundeccu tsu fae'ngae quembe semasundeccui'ccu semamba fuite'faya. Toya'caen que mi'nge'tsse su'ninda gi tsa'cantsse afepoeña quembe semasundeccunga. Nane que in'janqquia'caen me'i'on tsu ingi a'i'su majañi'qque Sidóni'su a'ia'caen mesama doñañe atesu'chove.”

¹⁰ Tsa'caen afasi Hiramjan Salomónga afe pa'cco tise iñajan'cho shaga'tto toya'caen pino mesama.

¹⁸ Salomón semasundeccu, Hiram semasundeccu toya'caen Gebal canqque'su semasundeccu fae'ngae mesama doñamba fuchha'fa. Toya'caen tsu patuma'qque fae'ngaen'fa. Tsa mesa, tsa patuma'qque tsu Chigama iñajan'jen'cho tsa'ove tsao'ña'fa.