1 Reyes 4 - Cofán: Chiga Tevaen'jen

²⁰ Judándeccu toya'caen israendeccu ñoa'me tsain'bitssipa agattoye oshambi'tssi. Nane mar otafa'su sisipa'can'tssi tsu. Tsa'ma anqque'su toya'caen cuiqque'su'qque shacambisi tsu poiyi'cco a'i avujatssi'fa.

²¹ Nane Salomónjan poi faesu nasundeccuma patsupa manda'je Eufrates naine ashaemba filisteo andepi toya'caen Egipto ande utufangae. Poiyi'cco tseni'su nasundeccu Salomón cansuiteja tisema pañamba poi canqque'fa tise iñajan'cho corifin'dima afepoen'jen'fa.

³⁴ Nane poi ande, poi ande'su nasundeccu tsu Salomón injama'pave da'choma pañamba tise'pani'su aindeccuma moe'fa cuintsu japa tisema paña'faye.