SALMOS 134 - El Nuevo Testamento y Salmos

Cheꞌ ɨ Tavástaraꞌ tyámuaꞌ tyimuaatyátoonyij

Cuíinarij ɨ maj jɨn huatyáajuꞌun

¹ ¡Cheꞌréj, muaꞌaj mu siaj jahuɨɨreꞌ ɨ Tavástaraꞌ! ¡Néijmiꞌi xu muaꞌaj tyámuaꞌ tyeetyátoonyij ɨ Tavástaraꞌ, mu siaj aꞌúu jeꞌrúꞌuj ɨ tyeyúujraꞌ tzajtaꞌ tɨꞌɨjta huariáꞌtɨcaꞌrej!

² ¡Xaꞌajméjcaꞌtaxɨꞌ joꞌtɨj tyámuaꞌ tyejéꞌeen siajta tyámuaꞌ tyeetyátoonyij aꞌɨ́jcɨ ɨ Tavástaraꞌ!

³ ¡Cheꞌ ɨ Tavástaraꞌ, ɨ tɨ jaatyátaahuacaꞌ ɨ tajapuá tɨ séejreꞌ ajta ɨ cháanacaj, cheꞌ aꞌɨ́ɨn tyámuaꞌ tyimuaatyátoonyij aꞌájna ɨmuáj joꞌtɨj jáꞌsejreꞌ ɨ jɨríj Sión tɨ ántyapuaj!