SALMOS 132 - El Nuevo Testamento y Salmos

Tyiꞌtɨ́j tɨ ɨ Dios jaꞌtáratziiriꞌ aꞌɨ́jcɨ ɨ David

Cuíinarij ɨ maj jɨn huatyáajuꞌun

¹ Ootámuaꞌreej, Tavástaraꞌ, aꞌɨ́jcɨ ɨ David pajta néijmiꞌi tyiꞌtɨ́j tɨ jɨn jeꞌej tyóomuaꞌtzej,

² ootámuaꞌreej tyiꞌtɨ́j tɨ jɨn tyámuaꞌ naa tyaꞌtóoratziiriꞌ, muéetzij jimi, aꞌɨ́jna ɨ tɨ néijmiꞌi jɨn antyúumuaꞌreej aꞌɨ́jcɨ jimi ɨ Jacob.

³ “Canu nye chiꞌtáj ujoꞌtyárutyij canu nyajta huatyáhuiꞌsij nyej nyij huányasoꞌpeꞌen,

⁴ canu ootyácusij canu nyanaꞌaj cɨ́ɨ tyiꞌrácusij,

⁵ nyatɨꞌɨj quee eexúj chiꞌij huátyoonyij aꞌɨ́ɨn tɨꞌij jaꞌaꞌrij ɨ Tavástaraꞌ, ɨ tɨ néijmiꞌi jɨn antyúumuaꞌreej aꞌɨ́jcɨ jimi ɨ Jacob.”

⁶ Aꞌáa tu a Efrata jáanamuajriꞌ maj jatyáxajtasimaꞌaj ɨ tɨ jitzán séejreꞌ ɨ paj jɨn tyaꞌtáꞌratziiriꞌ, tyajta jeꞌen aꞌáa ɨtzitáj yoꞌtyoj aꞌáa tɨ jaꞌajtyámaꞌcan a Jáar.

⁷ ¡Tyicheꞌ aꞌáa jóꞌjuꞌun ɨ tyeyúujraꞌ tzajtaꞌ ɨ Tavástaraꞌ! ¡Tyicheꞌ jimi tyítunutaxɨꞌɨn véjriꞌ joꞌtɨj aꞌɨ́ɨn jaꞌraꞌɨ́ɨcajmee!

⁸ Ájchesij, Tavástaraꞌ, aꞌɨ́jcɨ jɨmeꞌ ɨ tɨ jitzán séejreꞌ ɨ paj jɨn tyaꞌtáꞌratziiriꞌ, pajta jeꞌen mujoꞌvéꞌmeꞌen aꞌyájna joꞌpaj jaꞌhuáꞌsoꞌpeꞌen.

⁹ Micheꞌ tyámuaꞌ tyityatóosejrata aꞌɨ́ɨmaj ɨ maj aꞌjimi tyíꞌhuɨɨreꞌ, majta jutyamuaꞌveꞌej huajíjhua ɨ maj aꞌjimi tyámuaꞌ een.

¹⁰ Aꞌɨ́j paj ootámuaꞌreej ɨ David, muéetzij tɨ muahuɨɨreꞌ, capáj majúujɨpuan aꞌɨ́jcɨ ɨ rey muáaj paj jaꞌantyíhuoj.

¹¹ Tavástaraꞌ pu tyiꞌtɨ́j jɨn tyámuaꞌ naa tyaꞌtáratziiriꞌ aꞌɨ́jcɨ ɨ David, aꞌyaa puꞌij néijmiꞌi jɨn tyaꞌróoꞌastej jeꞌej tɨ tyaꞌtáratziiriꞌ.

¹² “Séej nu vaꞌcán jɨn tyeꞌentyárujtyeꞌej muéetzij tɨ jitze eerányesij. Tɨpuaꞌaj aꞌyóojmuaꞌ maꞌráꞌastej jeꞌej nyaj tyiꞌtɨ́j jɨn tyaꞌtányaraj majta aꞌɨ́jcɨ ɨ nyúucarij ɨ nyaj jɨn tyihuáꞌmuaꞌtyen, majta jeꞌen aꞌyan majta huárɨnyij ɨ huaꞌyojmuaꞌ aꞌɨ́ɨjma aꞌɨ́ɨjma pu jitze jusén jɨmeꞌ séeriaꞌaj jaꞌmej ɨ maj jɨn tyuꞌtaꞌíjtaj.”

¹³ ¡Tavástaraꞌ pu arí aꞌɨ́j antyíhuo ɨ jɨríj Sión tɨ ántyapuaj! ¡Aꞌyaa pu tyaꞌváꞌhuoo tɨꞌij aꞌáa jaꞌhuóochejtyeꞌen!

¹⁴ “Aꞌɨ́ɨ pu ɨ jɨríj aꞌɨ́ɨn puéꞌeen ɨ nyaj jitzán jaxɨeꞌveꞌ nyej jusén jɨmeꞌ aꞌyan séjreꞌej, aꞌáa nu jaꞌcháaj naꞌmej, jiꞌnye aꞌyaa pu tyinaꞌránajchacaꞌ.

¹⁵ Jéehua nu tyámuaꞌ tyuꞌtyátoosij aꞌɨ́jcɨ ɨ tyajaꞌmuacueꞌraj nyajta tyámuaꞌ tyihuáꞌcueꞌtyej aꞌɨ́ɨjma ɨ maj quee jeꞌej tyéejviicueꞌ.

¹⁶ Aꞌɨ́j nu tyihuoꞌtyéchejtyeꞌsij ɨ maj jɨn jaꞌmua japua huatányuunyij aꞌɨ́ɨmaj ɨ maj jaꞌmua jimi tyíꞌhuɨɨreꞌ nyajta nu tyuꞌtáꞌsij mej mij jutyamuaꞌveꞌej muaajíjhuaj ɨ maj jimi tyámuaꞌ een.

¹⁷ Aꞌáa nu nyij tyuꞌtáꞌsij tɨꞌij huataséjreꞌen ɨ David tɨ jɨn antyúumuaꞌreej. Nuꞌríj ɨ tatzárij tyámuaꞌ huáruuj aꞌɨ́j nu nyij jimi jaatyátoosij ɨ rey nyaj nyeríj jaꞌantyíhuoj.

¹⁸ Jéehua nu huápuɨꞌɨj tyéviꞌsiꞌ huoꞌtaséjrataj aꞌɨ́ɨjma ɨ maj jájchaꞌɨɨreꞌ, ajta aꞌɨ́j nu huápuɨꞌɨj tyámuaꞌ naa tyuꞌtaséjrataj.”