SALMOS 131 - El Nuevo Testamento y Salmos

Tyicheꞌ huatyényuunyij jitzán tyetyiꞌcaꞌnyáaj

Cuíinarij ɨ maj jɨn huatyáajuꞌun, David tɨ jaꞌaꞌrij

¹ Tavástaraꞌ, capu ɨ nyaxɨéjnyuꞌcaa tyiꞌtɨ́j jɨn óotzaahuatyeꞌ, canu nyajta jeꞌej puaꞌaj tyihuojóꞌsej, canu tyiꞌtɨ́j jéehua xɨeꞌveꞌ nusu ɨ tɨ naa tyuꞌséꞌrin tyiꞌtɨ́j nyaj quee pújoorej nyej nyij jaꞌancuriáꞌan.

² Ajta aꞌyaa nu een, canu aveꞌnyuu nyajta quee jeꞌej rɨcɨj, aꞌyaa nu een tɨꞌɨj ɨ unyáaqueꞌej maj moochán jaatzíꞌtyej ajta jeꞌen ɨ náanajraꞌ tyámuaꞌ tyéꞌviꞌ ɨ jumuácaꞌ jɨmeꞌ. ¡Aꞌyaa nu een tɨꞌɨj ɨ unyáaqueꞌej maj moochán jaatzíꞌtyej!

³ Mu siaj Israel jitze ajtyámaꞌcan, Tavástaraꞌ xu jitze tyiꞌijchóꞌveꞌej ijíij siajta jusén jɨmeꞌ.