SALMOS 130 - El Nuevo Testamento y Salmos

Tyicheꞌ ɨ Tavástaraꞌ jitze tyúꞌcaꞌnyej

Cuíinarij ɨ maj jɨn huatyáajuꞌun

¹ Aꞌájna joꞌtɨj joꞌcáꞌasej a tɨ huápuɨꞌɨj jaꞌtyácun aꞌáa nu muéetzij jimi huatyényuusij, Tavástaraꞌ.

² ¡Huánamuajriꞌ, Tavástaraꞌ, jeꞌej nyaj aꞌjimi tyiꞌtyényuusij! ¡pajta jáanamuaj jeꞌej nyaj tyiꞌjíihuaj nyáhuoo muéetzij jimi!

³ Tavástaraꞌ, Tavástaraꞌ, tɨpuaꞌaj aꞌ peyóomuaꞌreerej tyiꞌtɨ́j maj jɨn quee xáꞌpuɨꞌ huarɨ́j, ¿aꞌtanyíj pu jooréenyijcheꞌen tɨꞌij júurij huatyáꞌɨtzeereꞌen?

⁴ Ajta muéetzij tu jimi jatyoonyij pej pij tyitaatúꞌuunyiꞌ, tyej tyij muaatyátzaahuatyeꞌen.

⁵ Néijmiꞌi nu ɨ nyajúuricamej aꞌɨ́j jitze tyiꞌijchóꞌveꞌ ɨ Tavástaraꞌ, nyajta nu ɨ nyúucariaꞌraꞌ jitze tyíꞌcaꞌnyej.

⁶ Nyáaj nu ɨ Tavástaraꞌ jitze tyiꞌijchóꞌveꞌej mequee aꞌyan aꞌɨ́ɨmaj ɨ maj tyíꞌchaꞌɨj tyeꞌejchóꞌveꞌ tɨ huatapuaꞌrej. Aꞌyájna matɨꞌɨj ɨ maj tyíꞌchaꞌɨj tyeꞌejchóꞌveꞌ tɨ huatapuaꞌrej,

⁷ Tavástaraꞌ jimi xu tyuꞌchóꞌveꞌen, muaꞌaj mu siaj Israel jitze ajtyámaꞌcan, jiꞌnye aꞌɨ́j pu jitze séejreꞌ ɨ tɨ jɨn taxɨeꞌveꞌ ajta ɨ tyaj jɨn taxáahuaj séjreꞌej.

⁸ ¡Aꞌɨ́ɨ pu huaꞌ japua huatányuusij tyiꞌtɨ́j maj jɨn quee xáꞌpuɨꞌ huarɨ́j ɨ Israel maj jitze ajtyámaꞌcan!