SALMOS 123 - El Nuevo Testamento y Salmos

Tyicheꞌ taxáahuaj huatyényuunyij ɨ Dios jimi jitzán tyetyiꞌcaꞌnyáaj

Cuíinarij ɨ maj jɨn huatyáajuꞌun

¹ Muéetzij jimi, Tavástaraꞌ, nyamuaséeraj nu nyámuahuavii, muéetzij jimi, tajapuá paj tyejéꞌijtaj.

² Tyaꞌraséeraj tu jahuaviij ɨ Tavástaraꞌ taj Dios, aꞌyájna tɨꞌɨj ɨ tyáatɨꞌ tɨ tyíꞌijtyiꞌreꞌ tyaꞌráasej aꞌɨ́jcɨ ɨ tɨ tyéꞌijtyeꞌ, aꞌyájna tɨꞌɨj ɨ íitɨꞌ tɨ tyíꞌijtyiꞌreꞌ tyaꞌráasej aꞌɨ́jcɨ ɨ tɨ tyéꞌijtyeꞌ, aꞌyan tyetyeꞌejchoꞌveꞌej tɨꞌij aꞌɨ́ɨn táꞌancuꞌvaxɨꞌɨn.

³ Táꞌancuꞌvaxɨꞌ ityájma, Tavástaraꞌ; táꞌancuꞌvaxɨꞌ ityájma, jiꞌnye catu cheꞌ janamuajracuj ɨ maj jeꞌej puaꞌaj tyíꞌtaxaj.

⁴ ¡Tuꞌríj jéehua jaapuéjtzitariacaꞌ aꞌɨ́ɨmaj maj jeꞌej puaꞌaj tyíꞌtaxaj ɨ maj chíjtyaanyiꞌij puéꞌeen majta mu aꞌɨ́ɨmaj taxanaꞌveꞌ ɨ maj jéehua óotzaahuatyeꞌ!