SALMOS 121 - El Nuevo Testamento y Salmos

Tavástaraꞌ pu aꞌɨ́ɨn puéꞌeen ɨ tɨ tyámuaꞌ tyíꞌmuachaꞌɨj

Cuíinarij ɨ maj jɨn huatyáajuꞌun

¹ Nyatɨꞌɨjta ɨ jɨríj huaséj aꞌyaa nu tyuꞌtaxájtaj tɨjɨn: “¿Joꞌnyij jeꞌréꞌnyesij ɨ tɨ naatyáhuɨɨreꞌej?”

² Tavástaraꞌ jimi pu joꞌvaꞌmaꞌaj taꞌmej ɨ tɨ naatyáhuɨɨreꞌej, aꞌɨ́jna ɨ tɨ jaatyátaahuacaꞌ ɨ tajapuá tɨ séejreꞌ ajta ɨ cháanacaj.

³ ¡Capu aꞌnáj tyuꞌtáꞌsij pej pij eetávetyij! ¡Capu aꞌnáj huatácusij aꞌɨ́jna ɨ tɨ muachaꞌɨj!

⁴ Capu, capu aꞌɨ́ɨn aꞌnáj tyácusij; capu aꞌnáj tyácusij aꞌɨ́jna ɨ tɨ huaꞌajséejra ɨ Israel maj jitze ajtyámaꞌcan.

⁵ Tavástaraꞌ pu aꞌɨ́ɨn puéꞌeen ɨ tɨ muachaꞌɨj; Tavástaraꞌ pu aꞌɨ́ɨn puéꞌeen ɨ tɨ quee tyuꞌtáꞌsij tɨꞌij tyiꞌtɨ́j jeꞌej muaꞌuurej, ɨ tɨ véjriꞌ aꞌjimi séejreꞌ tɨꞌij muaatáhuɨɨreꞌen.

⁶ Capu ɨ xɨcáj jeꞌej muaꞌuurej tɨꞌɨjta tújca putyiꞌrɨjcáj, capu ajta ɨ máxcɨrɨeꞌ tɨꞌɨjta huatɨ́caꞌaj.

⁷ Tavástaraꞌ pu néijmiꞌi jɨn tyámuaꞌ tyíꞌmuachaꞌɨj; aꞌɨ́ɨ pu jachaꞌɨj aꞌ júuricamej.

⁸ Tavástaraꞌ pu muachaꞌɨj joꞌtɨj naꞌaj paj joomaꞌaj puáꞌmej ɨ juyéj jitze, ijíij ajta jusén jɨmeꞌ.