Bìoball air-loidhne

I Timôthe 4 - Chru

Du Pô-Pơto Lơ̆r Rơŭ Truh

¹ Yàng Bơngă Sơc̆ih-Sri hũ đờm loh-làng lài, lăm tŭ-hơrơi luĭ-dŭt rơŭ hũ du mơnih klà luơi pơnuaĭ păng-tui, đuaĭ tui du bơngă-gơdrưh lơ̆r pơ̆ng-gơla sơ̆ng du pơnuaĭ pơto-pơsài kơmlài-kơmloh.

² Buơl guñu tui du mơnih hơtai-hơtiàn mơthĭ-lơ̆r, jiăng đờm lơ̆r, la du mơnih hũ hơtai-hơtiàn kră-khăng.

³ Buơl guñu pơkơŭ 'buh brơi puaĭ lơkơi khiăng kơmơi, sơ̆ng pơđăr wèr du phơ̆n 'bơ̆ng bloh Yàng Pô Lơngì hũ c̆rơ̆ng-tơbiă tơ du mơnih hũ hơtai-hơtiàn păng-tui sơ̆ng wờng thơu pơnuaĭ-tơpă, ưnjơmừn bloh mă angui.

⁴ Kơyoa abih tơgrơ̆ phơ̆n Yàng Pô Lơngì c̆rơ̆ng-tơbiă la siàm soh, 'buh hũ phơ̆n hơgĕ păl prah luơi, mĭn la hũ đồ-mă sơ̆ng hơtai-hơtiàn thơu ưnjơmừn.

⁵ Kơyoa gơnừm tơ pơnuaĭ Yàng Pô Lơngì sơ̆ng pơnuaĭ iơu-lài bloh phơ̆n nư̆n hũ tơbiă jiơ̆ng sơc̆ih-sri.

Gơnuăr-Bruă Mơnih Duh Bruă Yàng

⁶ Yah anà mơblàng-pơto du pơnuaĭ ni tơ buơl adơi-ai, nư̆n anà rơŭ la mơnih hơlŭn-hơlă siàm Yàng Jêsu Krist, la sa aràng mơnih hũ ròng-c̆iăm sơ̆ng pơnuaĭ păng-tui sơ̆ng pơnuaĭ pơto-pơsài tơpă-siàm bloh anà hũ păng tui.

⁷ Pleh atàh bĕ du pơnuaĭ sơŭ-brơŭ tui dun-ya, sơ̆ng du pơnuaĭ pơc̆eh lơ̆r 'buh kwơ-màng hơgĕ, bloh păl mơgru-pơsrăm hơtai-hơtiàn păng-duh.

⁸ Kơyoa bruă mơgru-pơsrăm ngă pràn rùp-phàp nư̆n kwơ-màng 'buh hũ hơdùm, bloh bruă păng-duh nư̆n kwơ-màng tơ̆l mơta, kơyoa lăm nư̆n hũ pơnuaĭ đờm pơguăn tơ găm rài ni sơ̆ng rài hơdơi wơ̆.

⁹ Nư̆n la pơnuaĭ nìn-kơjăp biă, iơŭ păl mă hơtai-hơtiàn păng-tui wĭl-tơ̆l bloh đồ-mă.

¹⁰ Biă yơu nư̆n, kơyoa mư̆ng pơnuaĭ-phŭn nư̆n bloh buơl gudrơi păl gleh-glăr ngă bruă sơ̆ng păl tămngă. Kơyoa buơl gudrơi hũ pioh pơnuaĭ gơnừm-c̆àng lăm anih Yàng Pô Lơngì hơdiŭ mĭt-mĭt, la Yàng Dŏng Pơklàh tơgrơ̆ mơnih, dơlhơu biă la du mơnih păng-tui Pô.

¹¹ Nư̆n la du pơnuaĭ anà păl kơkơi-pơđăr sơ̆ng pơto-pơsài.

¹² Juơi luơi aràng sơi c̆ơ 'buh sơ̆p tơ anà kơyoa anà lơ-ơneh thŭn, bloh păl mă pơnuaĭ đờm, bruă ngă, hơtai-hơtiàn uơ̆n-rơnăm, pơnuaĭ păng-tui sơ̆ng pơnuaĭ goh-sơc̆ih bloh ngă krơh tơ du mơnih păng-tui.

¹³ Lăm tŭ c̆àng kơu truh, anà păl pioh hơtai-akŏ lăm bruă pơrpoh-c̆ơ 'Bồn Bơ-àr Sơc̆ih-Sri, pơto-kơkơi, sơ̆ng pơto-pơsài.

¹⁴ Juơi wơ̆rglai pơnuaĭ brơi-soh dò lăm anà, la pơnuaĭ brơi-soh hũ brơi tơ anà kơyoa pơnuaĭ gơnuăr-hwơ̆r, tŭ tơrpuơl gơnuăr-tha hũ daŭ tơngàn tơ ngŏ anà.

¹⁵ Anà păl ngă bĕ tơgrơ̆ bruă nư̆n, pioh bĕ abih hơtai-hơtiàn lăm tơgrơ̆ pơnuaĭ nư̆n, tô tơgrơ̆ mơnih 'buh pơnuaĭ đì-tơgồ lăm anà.

¹⁶ Păl c̆ơ-kơrhia bĕ mư̆ng rài hơdiŭ rùp-phŭn anà sơ̆ng lăm pơnuaĭ anà pơto-mơblàng. Păl kơjăp hơtai-hơtiàn lăm abih tơgrơ̆ bruă nư̆n. Kơyoa ngă yơu nư̆n, rùp-phŭn anà sơ̆ng du mơnih păng anà pơto-mơblàng rơŭ hũ dŏng-pơklàh.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan