Yônais 4 - Bunongយោនាយ្ស គែសនូយ្សនហ៝ម់ជីនូយ្ស យ៝រមា ឞ្រាសយេហោវា មោគែសលើសហេងលើយប៝ន នីនីវេ 1 ត៝ត់មាយោនាយ្ស ឆៃកើតនៃនើសពាង់មោអ្យាង់អោស ពាង់ជីនូយ្សទុតហោងាន់។ 2 ពាង់មឞើសឆើមមាឞ្រាសយេហោវា ៖ “អើយឞ្រាសយេហោវា ឞើសអាល៝រនើសងាន់គ៝ប់គឹតមៃមោតេៈទោយ្សឞូនុយ្សតាប៝ននីនីវេ អ្យា ឞើសនោកហោមគុតាប៝នគ៝ប់នើមនើសងាន់ កើតនទ្រីទឹងគ៝ប់គើញញច្វាត់ទូតាប៝នតាឆើស យ៝រលាសមៃឞ្រាសអីគែសនាវយោៈនអាច គែសនូយ្សនហ៝ម់ល៝ង់ គែសនូយ្សនហ៝ម់រ៝ង់រាប់ជាប់ មោអោសគើញនូយ្ស។ ជេសរីលាសឞូនុយ្សនទុយ្សតោរមានាវតីសអីពាង់លាន់ជានរាគ៝ល់ឞាសជានមហឹក មៃរាគ៝ល់លើយឞើសនាវអុចលើសហេង ជេសរីឞាសតេៈទោយ្សឞូនុយ្សដ៝ង់។ 3 អើយឞ្រាសយេហោវា ទាន់មៃឆើមរាហ្វាត់លើយនហ៝ម់គ៝ប់ អ្វែសអ៝ន់គ៝ប់មាខឹតលើយ ដាសមាហោមរេសជឹតនាប់ជឹត”។ 4 ឞ្រាសយេហោវា ព្លឹលាសមាយោនាយ្ស ៖ “ទីលែៈលាសមោ មៃនូយ្សកើតនៃ?” 5 ជេសរីយោនាយ្ស ទ៝ក់ដឺបឞើសនៃហាន់មពែសឞើសលោសនារមាប៝ននីនីវេ ។ ត៝ត់តានតុកនៃពាង់ជានទូមល៝ម់ងកឺបគុតាន៝ម់នហ៝ម់ គៃមាក៝ប់អ្វាញ់ម៝សនតីលនាវត៝ត់មាប៝នអីនៃ។ 6 ឞ្រាសយេហោវា អ៝ន់តើមឆីទូតើមហ៝នឞើសលើឞោកយោនាយ្ស រី គៃអ៝ន់នហ៝ម់មាពាង់ជឹត លើយអីរអ៝ន់ពាង់រាញាល់។ ជេសរីយោនាយ្ស ពាង់មអាកងាន់គែសនហ៝ម់តើមឆីអីនៃ។ 7 កាសអើមអោយអោយតៃឞ្រីហោមង៝ កោរាញឞ្រាសដាៈទូមល៝ម់នទ្រុងហាន់ចោសឆាតើមឆីអីនៃ ជេសរីនទ្រ៝ប្រុង។ 8 ត៝ត់លោសនារ កោរាញឞ្រាសដាៈឆ្យាលទោសខោមតាៈឞើសលោសនារ ជេសរីនារទោសអ្យ្រែងកាលើឞោកកាលើឆាក់យោនាយ្ស ដ៝ង់ ពាង់លេតរាគាញ់ហោងាន់ ទាន់មាកោរាញឞ្រាសដាៈងខឹតពាង់៖ “អ្វែសគ៝ប់មាខឹតលើយ ដាសមាហោមរេសជឹតនាប់ជឹត”។ 9 កោរាញឞ្រាសលាសមាពាង់៖ “មៃទីលែៈនូយ្សយ៝រមាតើមឆីអីនៃ?” យោនាយ្ស អើសមាកោរាញឞ្រាស៖ “អើ ទុតហោងាន់” 10 ឞ្រាសយេហោវា លាសមាយោនាយ្ស ជឹត៖ “ល៝ង់មៃមឹន! មៃយោៈមាតើមឆីអីមៃមោគែសតាម់មោគែសរាអាសម៝ត់អីនៃ ហ៝នតាទូមាង់ទើម ជេសរីខឹតនទ្រ៝តាទូមាង់ដ៝ង់។ 11 គ៝ប់ឞែយោៈហោងាន់មាប៝ននីនីវេ ប៝នទុតក្វ៝ង់អ្យា យ៝រលាសប៝នអីនៃគែសអ៝ក់ឞូនុយ្ស ១២០០០០ នុយ្សរាលាវ ខាន់ពាង់មោហ៝ៈគឹតនាល់តីសទីអោស ជេសរីនទ្រែលមាគែសទុតអ៝ក់ដ៝ង់មពោមពា(ឆ្យុម)ខាន់ពាង់ម៝ត់តាប៝នអីនៃ”។៚ |
© (Active) Wycliffe Bible Translators, Inc. All rights reserved.
Wycliffe Bible Translators, Inc.