II Pêtrôs 1 - Bunongនាវអោបអ្វែសលាង់ 1 ឆ៝ម់បុតគ៝ប់ឆីមោន អីឞូក្វាល់ពេត្រោស ញចីស។ គ៝ប់ឞូនុយ្សឆើមកើលជានការមាឞ្រាសយេឆូក្រីស នទ្រែលមាអីកោរាញអ៝សម៝នពាង់ ទាន់អោបនាវអ្វែសលាង់ខាន់អៃមៃអីលែៈឆ៝ៈទើនជេសនាវញឆីងមាពាង់អីទុតខ្លៃ អីតឹមឞានមានាវញឆីងហេន។ ឞ៝ន់លែៈឆ៝ៈទើនជេសនាវញឆីងអីនៃតាៈឞើសនាវឆ៝ង់ឞ្រាសយេឆូក្រីស អីឞ្រាសឞ៝ន់ នទ្រែលមាអីនើមរាក្លាយ្សឞ៝ន់។ 2 ទាន់នាវអ្វែស នទ្រែលមានាវដាប់មពាន់គុតាខាន់អៃមៃលើមាហោអ៝ក់ តាៈឞើសខាន់អៃមៃលើមានហេលគឹតនាល់កោរាញឞ្រាស នទ្រែលមាលើមានហេលគឹតនាល់ឞ្រាសយេឆូ អីកោរាញឞ៝ន់នៃ។ នាវដាៈអ៝ន់លើមាជ្រូតានាវញឆីងមា ឞ្រាសយេឆូក្រីស 3 តាៈឞើសនាវទើយកោរាញឞ្រាសនើម ពាង់លែៈកើលឞ៝ន់តាអាប់នតីលនាវ គៃមាឞ៝ន់ទើយគុងាវតឹមទីដាសនាវពាង់នើមអុច។ ឞ៝ន់ឆ៝ៈទើននាវកើលអីនៃតាៈឞើសឞ៝ន់គឹតនាល់ពាង់ ពាង់លែៈក្វាល់ជេសឞ៝ន់ជេងប៝នលានពាង់នើម តាៈឞើសនាវច្រេកលើបពាង់នើម នទ្រែលមាតាៈឞើសនាវអ្វែសពាង់នើម។ 4 តាៈឞើសនាវច្រេកលើប នទ្រែលមានាវអ្វែសពាង់នើមនៃ ទឹងកោរាញឞ្រាសត៝នអ៝ន់នាវទុតក្វ៝ង់នាវទុតខ្លៃមាឞ៝ន់។ ពាង់ត៝នកើតនៃ គៃមានូយ្សនហ៝ម់ឞ៝ន់ជេងតឹមឞានមានូយ្សនហ៝ម់កោរាញឞ្រាស នអ៝ប់មាឞ៝ន់ក្លាយ្សឞើសនាវអ្យើសអីតាៈឞើសនាវកើញជានអ្យើសអីគែសតានែសនតូអ្យា។ 5 លាសនទ្រីអ៝ន់ខាន់អៃមៃញឆ្រោយ្សមាលែៈនូយ្សនហ៝ម់ អ៝ន់នត៝បដ៝ង់នាវគែសនូយ្សនហ៝ម់អ្វែសតានាវខាន់អៃមៃញឆីងមាឞ្រាសយេឆូក្រីស ជេសរីអ៝ន់នត៝បដ៝ង់នាវគឹតវ៝ត់នាវកោរាញឞ្រាសអុចតានាវគែសនូយ្សនហ៝ម់អ្វែស 6 អ៝ន់នត៝បដ៝ង់នាវឞ្លាវម៝ត់ញជ្រាង់ឆាក់អ៝ន់គុទីកែសតានាវគឹតវ៝ត់នាវកោរាញឞ្រាសអុច អ៝ន់នត៝បដ៝ង់នាវអ៝ត់នូយ្សនហ៝ម់ឞ៝លលាសគែសនាវជេរតានាវឞ្លាវម៝ត់ញជ្រាង់ឆាក់អ៝ន់គុទីកែស អ៝ន់នត៝បដ៝ង់នាវគុងាវតឹមទីដាសនាវកោរាញឞ្រាសអុចតានាវអ៝ត់នូយ្សនហ៝ម់ឞ៝លលាសគែសនាវជេរ 7 អ៝ន់នត៝បដ៝ង់នាវតឹមរ៝ង់ឞាល់នទ្រាង់អ៝សនោតាផូងញឆីងតានាវគុងាវតឹមទីដាសនាវកោរាញឞ្រាសអុច ជេសរីអ៝ន់នត៝បដ៝ង់នាវរ៝ង់មាទឹងលែៈឞូនុយ្សតានាវតឹមរ៝ង់ឞាល់នទ្រាង់អ៝សនោតាផូងញឆីង។ 8 លាសខាន់អៃមៃគែសទឹងលែៈនាវអីនៃលើមាហោ លាសនទ្រីនាវរេសខាន់អៃមៃគែសខ្លៃ គែសព្លៃតានាវគឹតនាល់លើមានហេលឞ្រាសយេឆូក្រីស អីកោរាញឞ៝ន់។ 9 យើនមាឞូម៝សអីមោគែសអោសទឹងលែៈនាវអីនៃ ពាង់អីនៃជេងតឹមឞានមាឞូនុយ្សចែសមាត់ អ្វាញ់ងាយមោអោសឆៃ ជេសរីលែៈច្វេលនាវកោរាញឞ្រាសជូតអ៝ន់ក្ល៝សនាវតីសអីពាង់លែៈជានអេល៝រមាឆឹតញឆីងនើស។ 10 អើអ៝សនោតានាវញឆីង អ៝ន់ខាន់អៃមៃញហើនាវអ្វែសតានាវគុងាវខាន់អៃមៃ គៃមាឞូឆៃកោរាញឞ្រាសលែៈកើយ្សខាន់អៃមៃជេងផូងប៝នលានពាង់នើមងាន់។ លាសជានកើតនៃ នាវញឆីងខាន់អៃមៃមរាហោមន៝ប់នឹង មោអោសរ៝ស។ 11 ជេសរីខាន់អៃមៃមរាលាប់តានាវឞ្រាសយេឆូក្រីស ម៝ត់អ្វាញ់នហ៝រ៝ នអ៝ប់មានាវរាម់មអាក ជេងនាវម៝ត់អ្វាញ់អីកោរាញឞ៝ន់ អីនើមរាក្លាយ្សឞ៝ន់។ នាវ ពេត្រោស នតិញនោកពាង់ឞើយខឹត 12 គ៝ប់ហោមងកាសនាវអីនៃអ៝ន់មាខាន់អៃមៃបាបើ ឞ៝លលាសខាន់អៃមៃលែៈគឹតជេសនាវអីនៃ នទ្រែលមាលែៈញអោតន៝ប់នាវងាន់អីឞូលែៈនតុមនតីមាខាន់អៃមៃនៃនើសកាដោយ។ 13 នោកគ៝ប់ហោមគុរេសតានែសនតូអ្យា ទីមាគ៝ប់ងកាសខាន់អៃមៃអ៝ន់ខាន់អៃមៃហោមកាសគឹតបាបើ 14 យ៝រលាសគ៝ប់លែៈគឹតជេស គ៝ប់គុរេសតានែសនតូអ្យាហោមទូប្ល៝ត់ទើម ជេសរីគ៝ប់ខឹត នាវអីនៃឞ្រាសយេឆូក្រីស អីកោរាញឞ៝ន់លែៈញហើអ៝ន់គ៝ប់គឹតល៝រ។ 15 លាសនទ្រីគ៝ប់គើយ្សងាន់ងកាសខាន់អៃមៃ គៃមាខាន់អៃមៃហោមកាសគឹតបាបើទឹងលែៈនាវអីនៃ ជេសគ៝ប់មោហោមគុអោសតានែសនតូអ្យា។ នាវច្រេកលើប ឞ្រាសយេឆូ 16 នាវអីហេនមឞើសងក៝ចអ៝ន់ខាន់អៃមៃគឹតនាល់នាវទើយឞ្រាសយេឆូក្រីស អីកោរាញឞ៝ន់ នទ្រែលមានាវពាង់មរាព្លឹវាច់នៃ មោអោសទីហេនមឞើសងក៝ចទុតឞ្លាវនាវងក្លាៈ យើនមាហេនលែៈឆៃនាវច្រេកលើបពាង់នៃមាត្រោមមាត់ហេននើម។ 17 កោរាញឞ្រាសឞឹនើមលែៈយើកពាង់អ៝ន់ពាង់នាវច្រេកលើបតានោកកោរាញឞ្រាសលាសមាពាង់ នអ៝ប់មានាវអាងរាលហោងាន់៖ «ពាង់អ្យាក៝នគ៝ប់អីគ៝ប់រ៝ង់ហោងាន់ ហោងាន់គ៝ប់រាម់ពាង់»។ 18 ហេនលែៈតាង់ជេសឞ៝រ់អីនៃតាៈឞើសកាលើត្រោក នោកហេនគុនទ្រែលមាពាង់តាកាលើយោកក្ល៝សអ្វែស។ 19 យ៝រមានាវអីនៃឞ៝ន់លែៈគឹតលើមានហេលងាន់ ទឹងលែៈនាវងើយមពោលឞូនុយ្សនតើយ្សនាវងើយកោរាញឞ្រាសកាល់អែនើសលែៈទីងាន់។ អ្វែសងាន់លាសខាន់អៃមៃអ្យាត់ងាន់នាវអីនៃ យ៝រលាសទឹងលែៈនាវអីនៃជេងតឹមឞានមាអុញឆាគេងអីងអាងតានតុកង៝នហ៝មាត៝ត់លោសនារ អីម៝ងឞ្រាសក្រីស ព្លឹវាច់លោសអាងតានូយ្សនហ៝ម់ឞ៝ន់ ជេសរីឞ្រាសក្រីស អីរាញា«មឞីងអាអោយ»ដ៝ង់។ 20 នាវអីខ្លៃរាលាវឞូអ៝ន់ខាន់អៃមៃគឹត ទឹងលែៈនាវនតើយ្សអីគែសញចីសតានាវកោរាញឞ្រាសងើយ មោគែសអោសឞូនុយ្សទាសមាមឞើសងក៝ចតឹងនូយ្សនហ៝ម់ពាង់នើមអុច 21 យ៝រលាសទឹងលែៈនាវនតើយ្សអីលោសឞើសមពោលឞូនុយ្សនតើយ្សនាវងើយកោរាញឞ្រាស មោអោសទីលោសតាៈឞើសនូយ្សនហ៝ម់ឞូនុយ្ស ជេងលោសតាៈឞើសឞ្រាសហ្វេងអ្វែសអីក្ល៝សអ្វែសញឆុកញឆោរនូយ្សនហ៝ម់ខាន់ពាង់អីនៃ។ |
© (Active) Wycliffe Bible Translators, Inc. All rights reserved.
Wycliffe Bible Translators, Inc.