Yôsuê 12 - Nau Brah Ndu Ngơi 2023

Amoh săk lĕ phung hađăch roh rai

¹ Aơ jêng phung hađăch tâm n'gor phung Israel lơh jêh, jêh ri pit sŏk n'gor khân păng ta đah ri dak krong Yurdan, mpeh luh nar, bơh rlŭng Arnôn tât ma Hermôn, jêh ri lĕ neh lâng mpeh luh nar:

² Y-Sihôn jêng hađăch phung Amôrit gŭ ta Hêsbôn. Hađăch nây chiă uănh ntơm bơh Arôer, jêng ƀon êp rlŭng Arnôn, jêh ri tă bơh ta nklang rlŭng nây tât ta dak krong Jabôk, n'har neh phung Ammôn, nâm bu du n'gul bri Gilêat.

³ Hađăch nây chiă uănh đŏng bri neh lâng tât ma dak mƀŭt Chinêrôt mpeh luh nar, tât ma dak mƀŭt neh lâng, jêng Dak Mƀŭt Khĭt, mpeh ma Bet-Jêsimôt, ta mpeh rđŭng pa dâng ta jâng yôk Pisga.

⁴ Hađăch bri Basan jêng Y-Ôk, du huê hôm klen bơh phung Rêphaim, gŭ ta ƀon Astarôt jêh ri ƀon Êdrei.

⁵ Hađăch nây chiă uănh n'gor yôk Hermôn, nkual Salêka, jêh ri lĕ bri Basan, tât ta n'har phung Gêsurit jêh ri phung Makatit, jêh ri du n'gul bri Gilêat tât ta n'har neh Y-Sihôn, hađăch ƀon Hêsbôn.

⁶ Y-Môis, oh mon Brah Yêhôva, jêh ri phung ƀon lan Israel hŏ dơi đah khân păng jêh. Y-Môis, oh mon Brah Yêhôva, ăn neh nây ma phung Ruben, phung Gat, jêh ri du n'gul ndŭl mpôl Manasê jêng drăp ndơn.

⁷ Jêh ri aơ jêng phung hađăch ma bri, Y-Yôsuê jêh ri phung ƀon lan Israel lơh dơi jêh ta kơh mpeh nhâp nar dak krong Yurdan, ntơm bơh Baal-Gat tâm rlŭng Liban, kŏ tât ta yôk Halak mpeh bri Sêir. Y-Yôsuê ăn bri nây ma ndŭl mpôl Israel jêng drăp ndơn tĭng nâm nau tâm pă bơh ăp ndŭl mpôl,

⁸ lĕ nkual klơ dor yôk, nkual jâng yôk, neh lâng, ta gôl, tâm bri rdah jêh ri nkual Nêgep, jêng lĕ n'gor phung Hitit, phung Amôrit, phung Kanaan, phung Pêrisit, phung Hivit, jêh ri phung Jêbusit:

⁹ Hađăch Yêrikô, hađăch Ai gŭ dăch Bêthel,

¹⁰ hađăch Yêrusalem, hađăch Hêbron,

¹¹ hađăch Jarmut, hađăch Lakis,

¹² hađăch Êglon, hađăch Gêser,

¹³ hađăch Dêbir, hađăch Gêder,

¹⁴ hađăch Hôrma, hađăch Arat,

¹⁵ hađăch Lipna, hađăch Adulam,

¹⁶ hađăch Makêda, hađăch Bêthel,

¹⁷ hađăch Tapua, hađăch Hêpher,

¹⁸ hađăch Aphek, hađăch Sarôn,

¹⁹ hađăch Madon, hađăch Hasôr,

²⁰ hađăch Simrôn Mêrôn, hađăch Aksap,

²¹ hađăch Tanak, hađăch Mêgidô,

²² hađăch Kêdês, hađăch Jôknêam ta yôk Karmel,

²³ hađăch Dôrơ gŭ ta neh lâng klơ dor Dôrơ, hađăch Gôim ta Gilgal,

²⁴ jêh ri hađăch Tirsa. Lĕ rngôch jêng pe jât nguay hađăch.