Nêhêmi 12 - Nau Brah Ndu Ngơi 2023

Amoh săk phung kôranh ƀư brah jêh ri phung Lêvi

¹ Aơ jêng phung kôranh ƀư brah jêh ri phung Lêvi plơ̆ sĭt tâm n'gor ndrel ma Y-Sôrôƀaƀel, kon bu klâu Y-Sêaltiêl, jêh ri ma Y-Jêsua: Y-Sêraya, Y-Yêrêmi, Y-Êsra.

² Y-Amaria, Y-Maluk, Y-Hatus

³ Y-Sêkania, Y-Rêhum, Y-Mêrêmôt,

⁴ Y-Idô, Y-Ginêthôi, Y-Abija,

⁵ Y-Mijamin, Y-Maađia, Y-Bilga

⁶ Y-Sêmaya, Y-Jôarip, Y-Jêdaya,

⁷ Y-Salu, Y-Amôk, Y-Hilkia jêh ri Y-Jêdaya. Nây jêng phung kôranh chiă uănh ma phung ƀư brah jêh ri ma phung oh nâu khân păng tâm rnôk Y-Jêsua.

⁸ Phung Lêvi geh Y-Jêsua, Y-Binnui, Y-Katmiêl, Y-Sêrêbia, Y-Yuđa jêh ri Y-Matania ndrel ma phung oh nâu păng chiă uănh lĕ nau mprơ tâm rnê lah ueh ma Kôranh Brah;

⁹ geh đŏng Y-Bakbukia jêh ri Y-Uni ndrel ma phung oh nâu khân păng jêng phung Lêvi dâk mprơ tâm rdơn ndrăng khân păng tâm lĕ nôk yơk mbah.

¹⁰ Y-Jêsua bă Y-Jôyakim; Y-Jôyakim bă Y-Êliasip; Y-Êliasip bă Y-Jôada;

¹¹ Y-Jôada bă Y-Jônathan, jêh ri Y-Jônathan bă Y-Jadua.

¹² Aơ jêng kôranh ndŭl mpôl phung kôranh ƀư brah tâm rô̆ Y-Jôyakim: ma mpôl Y-Sêraya geh Y-Mêraya; ma mpôl Y-Yêrêmi geh Y-Hanania;

¹³ ma mpôl Y-Êsra geh Y-Mêsulam; ma mpôl Y-Amaria geh Y-Jêhôhanan;

¹⁴ ma mpôl Y-Maluki geh Y-Jônathan;

¹⁵ ma mpôl Y-Sêbania geh Y-Yôsep; ma mpôl Y-Harim geh Y-Atna; ma mpôl Y-Mêraiôt geh H'Hêlkai;

¹⁶ ma mpôl Y-Idô geh Y-Sakari; ma mpôl Y-Ginêthôn geh Y-Mêsulam;

¹⁷ ma mpôl Y-Abija geh Y-Sikri; ma mpôl Y-Miniamin geh...; ma mpôl Y-Môadia geh Y-Piltai;

¹⁸ ma mpôl Y-Bilga geh Y-Samua; ma mpôl Y-Sêmaya geh Y-Jônathan;

¹⁹ ma mpôl Y-Jôarip geh Y-Matênai; ma mpôl Y-Jêdaya geh Y-Usi;

²⁰ ma mpôl Y-Salu geh Y-Kalai; ma mpôl Y-Amôk geh Y-Êber;

²¹ ma mpôl Y-Hilkia geh Y-Hasabia; ma mpôl Y-Jêdaya geh Y-Nêthanel.

²² Nau nchih amoh săk tâm ndrom samƀŭt phung kôranh ndŭl mpôl phung Lêvi jêh ri phung kôranh ƀư brah hŏ ƀư tâm rô̆ kôranh ƀư brah toyh lơn Y-Êliasip, Y-Jôada, Y-Jôhanan jêh ri Y-Jadua. Tât tâm rô̆ Darius chiă uănh, jêng hađăch n'gor Persi, mâu hôm geh amoh tâm ndrom samƀŭt ôh.

²³ Phung kon sau phung kôranh ndŭl mpôl phung Lêvi geh nchih amoh tâm ndrom samƀŭt nau rêh jêng kŏ tât rô̆ Y-Jôhanan, sau Y-Êliasip.

²⁴ Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

²⁵ Y-Matania, Y-Bakbukia, Y-Ôbadia, Y-Mêsulam, Y-Talmôn jêh ri Y-Akup jêng phung gak mpông pêr, phung nây dâk djôt prăp lĕ jay êp kêng mpông pêr ngih brah.

²⁶ Phung nây gŭ rêh rnôk rô̆ Y-Jôyakim, kon bu klâu Y-Jêsua, sau Y-Jôsadak, jêh ri tâm rô̆ Y-Nêhêmi ƀư kôranh chiă uănh jêh ri tâm rô̆ Y-Êsra ƀư kôranh ƀư brah jêh ri kôranh nchih samƀŭt.

Nau rƀŭn nhhơr mpêr ƀon Yêrusalem

²⁷ Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

²⁸ Phung oh kon tâm phung mprơ rƀŭn ndrel tă bơh neh lâng văr jŭm Yêrusalem, tă bơh lĕ ƀon jê̆ phung Nêtôphat,

²⁹ tă bơh Bet-Gilgal, tă bơh neh lâng Gêba jêh ri tă bơh Asmavet, yorlah phung mprơ hŏ ndâk njêng jêh ƀon jê̆ ma khân păng nơm jŭm ƀon Yêrusalem.

³⁰ Phung kôranh ƀư brah jêh ri phung Lêvi ƀư kloh khân păng nơm tâm ban đŏng ƀư kloh phung ƀon lan, mpông pêr, jêh ri mpêr ƀon.

³¹ Rnôk nây, gâp lah phung kôranh chiă uănh tâm phung Yuđa hao ta klơ mpêr ƀon, jêh nây tâm nkhah jêng bar mbŭch hăn tâm groi ndrel gay tâm rnê lah ueh ma Kôranh Brah. Du mbŭch hăn mpeh pa ma ta klơ mpêr ƀon, rlet mpeh mpông pêr Ndjah.

³² Pakơi khân păng jêng Y-Hôsaya jêh ri du n'gul phung kôranh tâm phung Yuđa hăn groi

³³ nđâp ma Y-Asaria, Y-Êsra, Y-Mêsulam,

³⁴ Y-Yuđa, Y-Benjamin, Y-Sêmaya, Y-Yêrêmi,

³⁵ jêh ri phung kon bu klâu bơh phung kôranh ƀư brah djôt nŭng uh jêng Y-Sakari, kon bu klâu Y-Jônathan, sau Y-Sêmaya, se Y-Matania, săn Y-Mikaya jêng kon bu klâu Y-Sakur, sau Y-Asap,

³⁶ jêh ri phung oh nau păng jêng Y-Sêmaya, Y-Asarel, Y-Milalai, Y-Gilalai, Y-Mai, Y-Nêthanel, Y-Yuđa jêh ri Y-Hanani, djôt dĭng mprơ Y-Đavit, bunuyh Brah Ndu. Kôranh nchih samƀŭt Y-Êsra chuat hăn panăp khân păng.

³⁷ Tă bơh mpông pêr Dak N'hor ta panăp măt, khân păng hăn sŏng hao ta lĕ gung ƀon Đavit, tĭng sop hao mpêr ƀon tât ta klơ ngih Y-Đavit jêh ri tât ma mpông pêr Dak mpeh luh nar.

³⁸ Bi phung mpôl tâm rnê lah ueh tal bar hăn ta klơ mpêr ƀon tâm tra đah phung mpôl tal nguay. Gâp hăn pakơi khân păng ndrel ma du n'gul phung ƀon lan, tă bơh vâl tŭm Năk tât ma pêr Huy,

³⁹ jêh ri hăn ta klơ mpông pêr Êphraim, dăch kêng mpông pêr Ơm, mpông pêr Ka, vâl tŭm Y-Hananel jêh ri vâl tŭm Mêa tât ma mpông pêr Biăp. Jêh nây khân păng nsrŭng ta mpông pêr Gak.

⁴⁰ Pôri bar mbŭch tâm rnê lah ueh nây nsrŭng tâm ngih Brah Ndu, gâp jêh ri du n'gul phung kôranh chiă uănh ƀư nâm bu nây lĕ,

⁴¹ Phung kôranh ƀư brah djôt nŭng uh, nây jêng Y-Êliakim, Y-Maseya, Y-Miniamin, Y-Mikaya, Y-Êliôênai, Y-Sakari jêh ri Y-Hanania;

⁴² geh đŏng Y-Maseya, Y-Sêmaya, Y-Êlêasar, Y-Usi, Y-Jêhôhanan, Y-Malkija, Y-Êlam jêh ri Y-Êser. Phung mprơ bơh Y-Jêsrahia gai bâr mprơ huy.

⁴³ Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nau kan ma ngih brah

⁴⁴ Tâm nar nây, bu njêng phung mât uănh lĕ jrô prăp lĕ ndơ nhhơr, kao play bôk yan, jêh ri lĕ ndơ nhhơr du kô̆ tâm jât. Tă bơh lĕ mir jŭm ƀon, khân păng djôt leo ta jay prăp ma phung kôranh ƀư brah jêh ri phung Lêvi tĭng nau vay hŏ veh jêh, yorlah phung Yuđa di nuih n'hâm ma nau pah kan bơh phung kôranh ƀư brah jêh ri bơh phung Lêvi.

⁴⁵ Khân păng nđâp ma phung mprơ jêh ri phung gak njrăng mpông pêr jêng phung pah kan Brah Ndu jêh ri kan nau ƀư kloh, tĭng nâm nau ntăm tă bơh Y-Đavit jêh ri Y-Salômôn, kon bu klâu păng.

⁴⁶ Yorlah rnôk kăl e, rô̆ Y-Đavit jêh ri Y-Asap, hŏ geh phung kôranh mât uănh phung mprơ jêh ri nchih nau mprơ tâm rnê, tâm rnê lah ueh ma Brah Ndu.

⁴⁷ Tâm rnôk rô̆ Y-Sôrôƀaƀel jêh ri Y-Nêhêmi, lĕ rngôch phung Israel ăn ndơ sông sa ăp nar ma phung mprơ jêh ri phung gak njrăng mpông pêr. Khân păng tâm ban đŏng prăp êng ndơ sông sa ma phung Lêvi, jêh ri phung Lêvi prăp êng ndơ sông sa ma phung kôranh ƀư brah, phung kon sau Y-Arôn.