Nêhêmi 10 - Nau Brah Ndu Ngơi 2023

Amoh săk phung ton ƀư tâm rnglăp

¹ Aơ jêng amoh phung tâp pŏng samƀŭt tâm rnglăp nây geh: Kôranh chiă uănh Y-Nêhêmi, kon bu klâu Y-Hakalia, nđâp ma Y-Sêdêkia.

² Y-Sêraya, Y-Asaria, Y-Yêrêmi,

³ Y-Pashur, Y-Amaria, Y-Malkija,

⁴ Y-Hatus, Y-Sêbania, Y-Maluk,

⁵ Y-Harim, Y-Mêrêmôt, Y-Ôbadia,

⁶ Y-Daniel, Y-Ginêthôn, Y-Baruk,

⁷ Y-Mêsulam, Y-Abija, Y-Mijamin,

⁸ Y-Masia, Y-Bilgai, Y-Sêmaya. Nây jêng phung kôranh ƀư brah.

⁹ Phung Lêvi geh: Y-Jêsua, kon bu klâu Y-Asania; Y-Binnui, kon bu klâu Y-Hênadat; Y-Katmiêl

¹⁰ jêh ri phung oh nâu khân păng; Y-Sêbania, Y-Hôdia, Y-Kêlita, Y-Pêlaya, Y-Hanan

¹¹ Y-Mika, Y-Rêhôp, Y-Hasabia,

¹² Y-Sakur, Y-Sêrêbia, Y-Sêbania

¹³ Y-Hôdia, Y-Bani jêh ri Y-Bêninu.

¹⁴ Phung kôranh chiă uănh tâm phung ƀon lan geh: Y-Parôs, Y-Pahat-Môap, Y-Êlam, Y-Satu, Y-Bani,

¹⁵ Y-Buni, Y-Asgat, Y-Bêbai,

¹⁶ Y-Adônija, Y-Bikvai, Y-Adin,

¹⁷ Y-Ater, Y-Hêsêkia, Y-Asur,

¹⁸ Y-Hôdia, Y-Hasum, Y-Bêsai,

¹⁹ Y-Harip, Y-Anathôt, Y-Nêbai,

²⁰ Y-Makpias, Y-Mêsulam, Y-Hêsir,

²¹ Y-Mêsêsabel, Y-Sadôk, Y-Jadua,

²² Y-Pêlatia, Y-Hanan, Y-Anaya,

²³ Y-Hôsêa, Y-Hanania, Y-Hasup,

²⁴ Y-Halôhes, Y-Pilha, Y-Sôbek,

²⁵ Y-Rêhum, Y-Hasapna, Y-Maseya,

²⁶ Y-Ahija, Y-Hanan, Y-Anan,

²⁷ Y-Maluk, Y-Harim, Y-Bana.

Nau ƀư tâm rnglăp tay đah Kôranh Brah

²⁸ Phung ƀon lan hôm klen, phung kôranh ƀư brah, phung Lêvi, phung gak mpông pêr, phung mprơ, phung pah kan ta ngih brah, jêh ri lĕ rngôch phung nđâp ma ur kon bu klâu, kon bu ur khân păng tâm nkhah đah lĕ phung ƀon lan tâm n'gor bri khân păng gay tông tĭng nau vay Brah Ndu; lĕ rngôch jêng phung geh nau dơi jêh ri nau gĭt rbăng,

²⁹ tâm rnglăp ndrel phung oh nâu jêh ri phung ndrŏng khân păng gay sơm ton hăn tĭng tâm nau vay Brah Ndu hŏ ăn jêh ma Y-Môis, oh mon Păng, jêh ri djôt prăp, ƀư tĭng kơt lĕ rngôch nau vay ntăm, nau vay ƀư jêh ri nau vay dăp bơh Brah Yêhôva jêng Kôranh Brah hên.

³⁰ Hên ton mâu mbloh phung kon druh hên ma phung ƀon lan gŭ ta n'gor nây jêh ri mâu đŏng nđăp kon druh khân păng ma kon ndăm hên.

³¹ Tơlah phung ƀon lan gŭ tâm n'gor nây djôt leo drăp ndơ mâu lah ndơ sông sa tăch tâm nar saƀat mâu lah nar kloh ueh, hên mâu mra rvăt ôh. Tât năm tal pơh, hên mra rlu pah kan mir jêh ri jut lơi lĕ rngôch ntil rnon.

³² Tâm ban lĕ hên tâm nal ăp năm nhhơr puăn gram prăk ma lĕ nau kan tâm ngih Brah Ndu hên nâm bu:

³³ piăng let nhhơr, ndơ ƀư brah rnih môi ƀaƀơ, ndơ ƀư brah gŭch nhhơr ƀaƀơ, ndơ ƀư brah nhhơr tâm nar saƀat, tâm nar tal nguay jêh ri lĕ nau rƀŭn, nau rƀŭn nhhơr kloh ueh, jêh ri ndơ ƀư brah chuai nau tih ma phung Israel jêh ri lĕ rngôch nau kan tâm ngih Brah Ndu hên.

³⁴ Hên jêng phung kôranh ƀư brah, phung Lêvi jêh ri phung ƀon lan, tâm nchroh ma nau nhhơr lŏng ăp năm tĭng năng hŏ tâm nal jêh, tĭng nâm ăp ndŭl mpôl jêh ri djôt leo tât ta ngih Brah Ndu gay su long nây ta klơ nơng ƀư brah ma Yêhôva Brah Ndu hên, tĭng nâm nau hŏ nchih tâm nau vay.

³⁵ Hên tâm nal đŏng ăp năm djôt leo kao play bôk yan tă tâm neh hên jêh ri lĕ ntil play tơm si bôk yan hên tât ma ngih Brah Yêhôva.

³⁶ Tĭng nâm nau hŏ nchih tâm nau vay, hên djôt leo kon bôk rah tâm phung kon bu klâu hên jêh ri kon bôk rah tâm mpô mpa rong hên tâm ban biăp mâu lah ndrôk tât ta ngih Brah Ndu jêh ri jao ăn phung kôranh ƀư brah pah kan tâm ngih Brah Ndu hên.

³⁷ Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

³⁸ Phung kôranh ƀư brah, kon sau Y-Arôn, mra hăn ndrel phung Lêvi, tơlah khân păng sŏk pi du kô̆ tâm jât; jêh nây khân păng mra djôt leo ndơ du kô̆ tâm jât nây ma tât ngih Brah Ndu hên, bun ăn tâm lĕ jrô prăp drăp ndơ kloh ueh.

³⁹ Yorlah phung ƀon lan Israel jêh ri phung Lêvi mra djôt leo lĕ ndơ nhhơr nâm bu ba ƀlê, ndrănh jêh ri dak ngi ôlive mhe lăp tâm lĕ jrô nây, jêng ntŭk bu prăp lĕ ndơ dŏng tâm ngih brah kloh ueh, jêng ntŭk phung kôranh ƀư brah gŭ gay pah kan, phung gak mpông, jêh ri phung mprơ. Pôri hên mâu mra chalơi ôh ngih Brah Ndu hên.