Ndrom Samƀŭt bơh Yôp 25 - Nau Brah Ndu Ngơi 2023

Y-Bildat lah pô aơ kon bunuyh mâu dơi geh ôh nau sŏng srăng tanăp măt Brah Ndu

¹ Y-Bildat bunuyh Suah plơ̆ lah:

² “Nau dơi chiă uănh jêng ndơ Brah Ndu, Păng khư nau klach yơk; Păng njêng nau đăp mpăn tâm ntŭk prêh ta klơ trôk.

³ Mbu nơm dơi kơp rnoh phung tahan Kôranh Brah? Mbu nơm dơi der đah nau ang Păng sol nchrat?

⁴ Mâm Brah Ndu dơi uănh kon bunuyh jêng sŏng srăng? Mbu moh deh tă bơh bu ur dơi kơp jêng kloh rsang?

⁵ Ri, khay mâu tŏng ôh nau ang, Phung mănh mbing mâu lĕ dơi jêng kloh rsang tâm dâng măt Păng;

⁶ N'hơn lah kon bunuyh knŏng tâm ban ndrŭng, Phung kon bunuyh mâu êng đŏng ma du ntil ndrŭng!”