Ndrom Samƀŭt bơh Ôsê 3 - Nau Brah Ndu Ngơi 2023

Nau khlay nđăp nsông Y-Ôsê

¹ Brah Yêhôva lah ma gâp: “Hăn hom jêh ri rŏng tay ma du huê bu ur dôl văng tĭr jêh ri geh nơm tĭr, nâm bu Brah Yêhôva ăt rŏng ma phung ƀon lan Israel nđâp lah khân păng rle ma phung brah êng jêh ri rŏng ma ƀănh play krăk ƀâu kro.”

² Pôri, gâp hŏ rvăt tay păng đah rnoh klăp lah du rhiăng pơh jât gram prăk jêh ri klăp lah pe rhiăng pe jât lit ba ôrgơ.

³ Jêh nây gâp lah ma păng: “Ăn ay gŭ mpăn ma gâp jŏ nar; lơi ƀư nau ka n'hong ôh, mâu lĕ dơi văng tĭr ma du huê bu klâu êng; gâp mra ƀư đah ay tâm ban pônây lĕ.”

⁴ Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

⁵ Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.