Nau Ntơm 36 - Nau Brah Ndu Ngơi 2023

Noi deh Y-Êsau

¹ Aơ jêng noi deh Y-Êsau, nây jêng Êđôm.

² Y-Êsau sŏk pe nuyh ur tâm phung bu ur n'gor Kanaan, nây jêng: H'Ada, kon bu ur Y-Êlon, bunuyh Hitit; H'Ôhôlibama, kon bu ur Y-Ana, mon Y-Sibêôn, bunuyh Hivit;

³ jêh ri H'Basmat, kon bu ur Y-Ismaêl, ăt jêng oh bu ur Y-Nêbajôt.

⁴ H'Ada deh Y-Êlipas ma Y-Êsau; H'Basmat deh Y-Rêuel;

⁵ bi H'Ôhôlibama deh Y-Jêush, Y-Jalam, jêh ri Y-Kôra. Aơ jêng phung kon bu klâu Y-Êsau bu deh ma păng tâm n'gor Kanaan.

Êsau ta yôk Sêir

⁶ Y-Êsau leo ur păng, kon bu klâu, kon bu ur păng, lĕ phung bunuyh tâm ngih păng, lĕ phung biăp, mpô mpa rong jêh ri lĕ rngôch drăp ndơ păng hŏ njêng jêh tâm n'gor Kanaan, hăn tâm n'gor êng, ngai bơh Y-Yakôb, oh păng.

⁷ Yorlah drăp ndơ khân păng âk ngăn, kŏ tât khân păng mâu dơi ôh dơi rêh ndrel; n'gor khân păng gŭ nây mâu dơi tŏng ôh ma lĕ phung mpô mpa rong khân păng.

⁸ Pôri, Y-Êsau, nây jêng Êđôm, gŭ tâm nkual klơ dor yôk Sêir.

Noi Deh Êsau

⁹ Aơ jêng noi deh Y-Êsau, chô yau phung Êđôm, gŭ tâm nkual klơ dor yôk Sêir.

¹⁰ Phung kon bu klâu Y-Êsau jêng Y-Êlipas, kon bu klâu H'Ada, ur Y-Êsau, Y-Rêuel kon bu klâu H'Basmat, ur Y-Êsau đŏng.

¹¹ Phung kon bu klâu Y-Êlipas jêng Y-Têman, Y-Ômar, Y-Sêphô, Y-Gatam jêh ri Y-Kênas.

¹² H'Timna, ur yông Y-Êlipas, kon bu klâu Y-Êsau, H'Timna deh Y-Amalek. Nây jêng phung sau H'Ada, ur Y-Êsau.

¹³ Aơ jêng phung kon bu klâu Y-Rêuel: Y-Nahat, Y-Sêra, Y-Sama jêh ri Y-Misa. Nây jêng phung sau H'Basmat, ur Y-Êsau.

¹⁴ Jêh ri aơ jêng phung kon bu klâu H'Ôhôlibama, ur Y-Êsau, kon bu ur H'Ana, sau Y-Sibêôn. Păng deh ăn ma Y-Êsau: Y-Jêush, Y-Jalam, jêh ri Y-Kôra.

¹⁵ Aơ jêng phung kôranh ndŭl mpôl phung kon sau Y-Êsau: Phung kon Y-Êlipas, kon bu klâu bôk rah ma Y-Êsau, kôranh ndŭl mpôl Y-Têman, kôranh ndŭl mpôl Y-Ômar, kôranh ndŭl mpôl Y-Sêphô, kôranh ndŭl mpôl Y-Kênas,

¹⁶ kôranh ndŭl mpôl Y-Kôra, kôranh ndŭl mpôl Y-Gatam, jêh ri kôranh ndŭl mpôl Y-Amalek. Phung kôranh ndŭl mpôl nây luh bơh Y-Êlipas tâm n'gor Êđôm, jêng phung sau H'Ada.

¹⁷ Aơ jêng phung kon bu klâu Y-Rêuel, kon Y-Êsau: kôranh ndŭl mpôl Y-Nahat, kôranh ndŭl mpôl Y-Sêra, kôranh ndŭl mpôl Y-Sama, jêh ri kôranh ndŭl mpôl Y-Misa. Nây jêng lĕ kôranh ndŭl mpôl luh bơh Y-Rêuel tâm n'gor Êđôm, jêng phung sau H'Basmat.

¹⁸ Aơ jêng phung kon bu klâu H'Ôhôlibama, ur Y-Êsau: kôranh ndŭl mpôl Y-Jêush, kôranh ndŭl mpôl Y-Jalam, jêh ri kôranh ndŭl mpôl Y-Kôra. Aơ jêng lĕ kôranh ndŭl mpôl luh bơh H'Ôhôlibama, ur Y-Êsau, kon bu ur H'Ana.

¹⁹ Phung nây jêng phung kon bu klâu Y-Êsau, nây jêng Y-Êđôm, jêh ri phung kôranh ndŭl mpôl khân păng.

Phung kon bu klâu Y-Sêir

²⁰ Aơ jêng phung kon bu klâu Y-Sêir, bunuyh Hôrit, phung ƀon tơm: Y-Lôtan, Y-Sôbal, Y-Sibêôn, Y-Ana,

²¹ Y-Disôn, Y-Êser, jêh ri Y-Disan. Nây jêng phung kon Y-Sêir, kôranh ndŭl mpôl Hôrit, tâm n'gor Êđôm.

²² Phung kon bu klâu Y-Lôtan: Y-Hôri jêh ri Y-Hêman; oh bu ur Y-Lôtan jêng H'Timna.

²³ Phung kon bu klâu Y-Sôbal jêng: Y-Alvan, Y-Manahat, Y-Êbal, Y-Sêphô, jêh ri Y-Ônam.

²⁴ Phung kon bu klâu Y-Sibêôn jêng: Y-Aiya jêh ri Y-Ana. Y-Ana nây jêng nơm joi saơ tu dak duh tâm bri rdah dôl păng chiăp seh bri ma Y-Sibêôn mbơ̆ păng.

²⁵ Phung kon bu klâu Y-Ana jêng: Y-Disôn jêh ri H'Ôhôlibama, kon bu ur Y-Ana.

²⁶ Phung kon bu klâu Y-Disôn jêng: Y-Hêmdan, Y-Êsban, Y-Itran jêh ri Y-Kêran.

²⁷ Phung kon bu klâu Y-Êser jêng: Y-Bilhan, Y-Savan, jêh ri Y-Akan.

²⁸ Phung kon bu klâu Y-Disan jêng: Y-Us jêh ri Y-Aran.

²⁹ Aơ jêng lĕ phung kôranh phung ƀon lan Hôrit: Kôranh ndŭl mpôl Y-Lôtan, kôranh ndŭl mpôl Y-Sôbal, kôranh ndŭl mpôl Y-Sibêôn, kôranh ndŭl mpôl Y-Ana,

³⁰ kôranh ndŭl mpôl Y-Disôn, kôranh ndŭl mpôl Y-Êser, jêh ri kôranh ndŭl mpôl Y-Disan. Nây jêng phung kôranh ndŭl mpôl tâm phung ƀon lan Hôrit, tâm n'gor Y-Sêir.

Phung hađăch n'gor Êđôm

³¹ Aơ jêng phung hađăch chiă uănh n'gor Êđôm êlor phung Israel geh phung hađăch chiă uănh:

³² Y-Bêla, kon bu klâu Y-Bêôr, chiă uănh n'gor Êđôm; amoh ƀon hađăch jêng Dinhaba.

³³ Hađăch Bêla khĭt, Y-Jôbap, kon bu klâu Y-Sêra, phung Bôsra, chiă uănh ntrok păng.

³⁴ Hađăch Jôbap khĭt, Y-Husam, bunuyh n'gor Têman, chiă uănh ntrok păng.

³⁵ Hađăch Husam khĭt, Y-Hadat, kon bu klâu Y-Bêdat, chiă uănh ntrok păng. Hađăch aơ hŏ dơi jêh đah phung Madian ta mir Môap; jêh ri ƀon hađăch jêng Avit.

³⁶ Hađăch Hadat khĭt, Y-Samla, phung Masrêka, chiă uănh ntrok păng.

³⁷ Hađăch Samla khĭt, Y-Sôl, phung Rêhôbôt, gŭ mpeh pa lơ dak krong, chiă uănh ntrok păng.

³⁸ Hađăch Sôl khĭt, Y-Baal-Hanan, kon bu klâu Akbôr, chiă uănh ntrok păng.

³⁹ Hađăch Baal-Hanan kon bu klâu Akbôr khĭt, Y-Hadat chiă uănh ntrok păng. Amoh ƀon păng jêng Pau; amoh ur păng H'Mêhetabel, kon bu ur H'Matret, sau bu ur Y-Mêsahap.

⁴⁰ Jêh aơ jêng phung kôranh ndŭl mpôl luh bơh Y-Êsau, kuăl tĭng ndŭl mpôl, ntŭk gŭ jêh ri amoh khân păng: kôranh ndŭl mpôl Y-Timna, kôranh ndŭl mpôl Y-Alva, kôranh ndŭl mpôl Y-Jêtet,

⁴¹ kôranh ndŭl mpôl Y-Ôhôlibama, kôranh ndŭl mpôl Y-Êla, kôranh ndŭl mpôl Y-Pinôn

⁴² kôranh ndŭl mpôl Y-Kênas, kôranh ndŭl mpôl Y-Têman, kôranh ndŭl mpôl Y-Mipsar,

⁴³ kôranh ndŭl mpôl Y-Makdiêl jêh ri kôranh ndŭl mpôl Y-Iram. Nây jêng phung kôranh ndŭl mpôl Êđôm, tĭng nâm ntŭk gŭ khân păng tâm n'gor khân păng dơi rvan mât. Y-Êsau chô yau ma phung Êđôm.