Nau Ntơm 10 - Nau Brah Ndu Ngơi 2023

Noi deh phung kon bu klâu Y-Nôê

¹ Lôch dak lip, phung kon bu klâu Y-Nôê jêng Y-Sem, Y-Cham jêh ri Y-Japhet deh oh kon. Aơ jêng noi deh khân păng:

Noi deh Y-Japhet

² Phung kon bu klâu Y-Japhet jêng Y-Gômer, Y-Magôk, Y-Madai, Y-Javan, Y-Tubal, Y-Mêsek, jêh ri Y-Tiras.

³ Phung kon bu klâu Y-Gômer jêng Y-Askênas, Y-Ripat, jêh ri Y-Tôgarma.

⁴ Phung kon bu klâu Y-Javan jêng Y-Êlisa jêh ri Y-Tarsis, Y-Kitim jêh ri Y-Dôdanim.

⁵ Tă bơh khân păng dĭng geh phung ƀon lan hăn gŭ lĕ gôl dak; ăp phung ƀon lan tĭng nau khân păng nơm ngơi, tĭng ndŭl mpôl êng êng, rêh tâm n'gor khân păng nơm.

Noi deh Y-Cham

⁶ Phung kon bu klâu Y-Cham jêng Y-Kus, Y-Êjipt, Y-Put jêh ri Y-Kanaan.

⁷ Phung kon bu klâu Y-Kus jêng Y-Sêba, Y-Havila, Y-Sapta, Y-Rama jêh ri Y-Saptêka; phung kon bu klâu Y-Rama jêng Y-Sêba jêh ri Y-Dêdan.

⁸ Y-Kus jêng mbơ̆ Y-Nimrôt. Y-Nimrôt jêng nơm janh ktang lor lơn ta neh ntu.

⁹ Păng jêng du huê bunuyh gru pănh dăng ktang tanăp măt Brah Yêhôva; yor nây bu lah: “Tâm ban ma Y-Nimrôt, du huê bunuyh gru pănh dăng ktang tanăp Brah Yêhôva!”

¹⁰ Ntơm geh ƀon bri hađăch păng jêng ƀon Ƀaƀel, ƀon Êrek, ƀon Akat jêh ri ƀon Kalnê gŭ tâm n'gor Sinar.

¹¹ Tă bơh n'gor nây, păng hăn tât ta n'gor Asiri, jêh ri ndâk njêng ƀon Ninive, ƀon Rêhôbôt-ir, ƀon Kalah,

¹² jêh ri ƀon Rêsen. Ƀon Rêsen ta vah vang ƀon Ninive jêh ri ƀon Kalah.

¹³ Y-Êjipt jêng chô yau phung Ludim, phung Anamim, phung Lêhabim, phung Naptuhim,

¹⁴ Phung Patrusim, phung Kasluhim (jêng chô yau phung Philistin), jêh ri Y-Kaptôrim.

¹⁵ Y-Kanaan jêng mbơ̆ Y-Sidôn, jêng kon bu klâu bôk rah, jêh ri Y-Het.

¹⁶ Y-Kanaan jêng chô yau phung Jêbusit, phung Amôrit, phung Girgasit,

¹⁷ phung Hivit, phung Arkit, phung Sinit,

¹⁸ phung Arvadit, phung Sêmarit, phung Hamat. Pakơi nây, phung ndŭl mpôl Kanaan nkhah gŭ êng êng.

¹⁹ Bi ma n'har bri phung Kanaan pơk huy tă bơh Sidôn, mpeh Gêrar tât ta Gaxa; mpeh Sôdôm, Gômôrơ, Adma jêh ri Sêbôim tât ta Lêsa.

²⁰ Nây jêng kon sau Y-Cham, pă ntŭk gŭ tĭng ndŭl mpôl, tĭng nau ngơi, tĭng n'gor jêh ri tĭng nâm phung ƀon lan khân păng.

Noi deh Y-Sem

²¹ Y-Sem, nâu dak bôk ma Y-Japhet, jêng chô yau noi deh Y-Êber, geh đŏng phung kon bu klâu.

²² Phung kon bu klâu Y-Sem jêng Y-Êlam, Y-Asur, Y-Arpaksat, Y-Lut jêh ri Y-Aram.

²³ Phung kon bu klâu Y-Aram jêng Y-Us, Y-Hul, Y-Gêther jêh ri Y-Mas.

²⁴ Bi ma Y-Arpaksat jêng mbơ̆ Y-Sêla, Y-Sêla jêng mbơ̆ Y-Êber,

²⁵ Y-Êber geh bar hê kon bu klâu: nâu păng amoh Y-Pêlek, yorlah rnôk rô̆ păng phung ƀon lan gŭ ta neh tâm nkhah êng êng; oh păng amoh jêng Y-Jôktan.

²⁶ Y-Jôktan jêng mbơ̆ Y-Almôdat, Y-Sêlep, Y-Hasarmavet, Y-Jêra,

²⁷ Y-Hadôram, Y-Usal, Y-Dikla,

²⁸ Y-Ôbal, Y-Abimaêl, Y-Sêba,

²⁹ Y-Ôphir, Y-Havila jêh ri Y-Jôbap. Lĕ rngôch phung nây jêng kon bu klâu Y-Jôktan da dê.

³⁰ N'gor khân păng ntơm bơh Mêsa pơk huy mpeh mơ Sêphar, jêng nkual klơ dor yôk mpeh luh nar.

³¹ Nây jêng phung kon sau Y-Sem, pă ntŭk gŭ tĭng ndŭl mpôl, nau ngơi, n'gor jêh ri phung ƀon lan khân păng.

³² Ta klơ aơ jêng lĕ ndŭl mpôl bơh pe nuyh phung kon bu klâu Y-Nôê, dăp tĭng nôk rô̆, tĭng phung ƀon lan khân păng. Tă bơh khân păng dĭng phung mpôl bunuyh nchah gŭ lam ntŭk tâm neh ntu jêh dak lêng.