Nau Mprơ Ơm 98 - Nau Brah Ndu Ngơi 2023

Mprơ tâm rnê nau brah jêh ri nau sŏng srăng Brah Yêhôva

¹ Mprơ hom ma Brah Yêhôva nau mprơ mhe, Yorlah Păng ƀư jêh nau mbên khlay. Ti ma jêh ri nting tur kloh ueh Păng Djôt jêh nau dơi ma Păng.

² Brah Yêhôva mbơh jêh nau Păng tâm rklaih Jêh ri tâm mpơl nau sŏng srăng Păng tanăp măt lĕ bri dak.

³ Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

⁴ Ơ lĕ rngôch neh ntu, sŏk hom bâr troh maak ma Brah Yêhôva, Jêh ri mprơ mât ton ma Păng.

⁵ Sŏk hom gong rêng jêh ri bâr mprơ Gay mât ton tâm rnê ma Brah Yêhôva!

⁶ Sŏk hom ma bâr nŭng jêh ri bâr nŭng jê̆ jêh ri gay troh maak Tanăp Hađăch nây jêng Brah Yêhôva!

⁷ Ăn dak mƀŭt jêh ri lĕ rngôch mpô mpa tâm dak mƀŭt, Neh ntu ndrel phung gŭ tâm nây sŏk bâr mprơ nteh da dê!

⁸ Ăn lĕ dak krong tap ti, Lĕ rngôch yôk mprơ maak ndrel tanăp Brah Yêhôva!

⁹ Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.