Nau Mprơ Ơm 92 - Nau Brah Ndu Ngơi 2023

Mprơ tâm rnê nau ueh Brah Yêhôva

Nau Mprơ Ơm. Nau mprơ ma nar saƀat

¹ Ơ Nơm Dŭt Prêh, ueh dŭt n'hâm ngăn tơlah mprơ tâm rnê Brah Yêhôva Jêh ri tâm rnê ma amoh May;

² Nkoch mbơh nau ueh May tâm ăp kêng ôi, Jêh ri nau răp jăp May tâm dôl măng,

³ Klơ gong rêng jât rse jêh ri klơ gong rêng loih Nđâp ma rlet.

⁴ Ơ Brah Yêhôva, May ƀư maak jêh ma gâp yor kan May; Jêh ri maak răm ma nau kan bơh ti May.

⁵ Ơ Brah Yêhôva, kan May dŭt toyh ngăn! Nau mĭn May jêng jru ngăn!

⁶ Bunuyh rluk mâu dơi gĭt ôh, Bunuyh rluk mâu dơi gĭt rbăng lĕ.

⁷ Nđâp tơlah phung ƀai hon nâm bu gơ̆. Jêh ri phung mhĭk geh nau ndrŏng, Khân păng bu mra ƀư rai n'ho ro.

⁸ Ƀiălah ơ Brah Yêhôva, May dơi geh nau yơk mro mrăng.

⁹ Yorlah ơ Brah Yêhôva, ri, phung rlăng May, Yorlah ri, phung rlăng May mra roh rai; Lĕ rngôch phung ƀư mhĭk bu mra lơh nchah rai.

¹⁰ Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

¹¹ Măt gâp saơ jêh bu rmal phung rlăng gâp Jêh ri tôr gâp tăng nau bu har plơng ma phung ƀư mhĭk đah gâp.

¹² Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

¹³ Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

¹⁴ Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

¹⁵ Gay tâm mpơl ma Brah Yêhôva jêng sŏng; Păng jêng lŭ toyh ma gâp, jêh ri tâm Păng mâu geh du ntil nau kue ôh.