Nau Mprơ Ơm 90 - Nau Brah Ndu Ngơi 2023

NDROM SAMɃŬT RƠH PUĂN ( Nau Mprơ Ơm 90 – 106 ) Brah Ndu gŭ rêh n'ho ro bi kon bunuyh ƀât lât jêh ri rgăn ngăch

Nau Y-Môis mbơh sơm, du huê bunuyh Brah Ndu

¹ Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

² Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

³ May ăn kon bunuyh plơ̆ ma ndruyh neh Jêh ri lah pô aơ: “Ơ phung kon bunuyh, plơ̆ sĭt hom ma ndruyh neh.”

⁴ Yorlah du rbăn năm tanăp măt May Jêng nâm bu nar nđaơ lĕ rlau jêh, Tâm ban ma du sruh gak dôl măng.

⁵ May ƀư ma khân păng rdu nâm bu n'hor dak lip; khân păng nâm bu du rngăl bê̆ch, Jêng nâm bu gơ̆ mhe hon ôi.

⁶ Ơm ôi kao păng dang jêh ri ueh nse; Tât kêng mhaơ păng rai lĕ jêh ri kro.

⁷ Hên huănh hươi ngăn yor nau May ji nuih; Geh nau krit klach yor nau May ji nuih.

⁸ May dơm jêh nau djơh mhĭk hên tanăp May, Gay lĕ nau tih ndâp hên tâm nau ang muh măt May.

⁹ Yor nau May ji nuih, lĕ nar hên rlau lôch da dê; Năm hên roh rai nâm bu n'hâm nsôr.

¹⁰ Nar năm hên gŭ rêh dơi tât pơh jât năm, Tơlah dăng ktang jêng tât pham jât năm, Ƀiălah nau sưr păng knŏng sŏk dơn nau hŏt rơah jêh ri nau rngot, Yorlah nau rêh păng rgăn ngăch, jêh nây hên mpăr du roh.

¹¹ Mbu dơi gĭt nau ktang nau May ji nuih? Mbu dơi gĭt rbăng nau May ji nuih gay ntop nau klach yơk ma May?

¹² Dăn May sâm nti hom hên blau kơp lĕ nar hên Gay ma nuih n'hâm hên geh nau blau mĭn.

¹³ Dăn plơ̆ tay! Ơ Brah Yêhôva, ndah nâm jŏ nau May ji nuih? Dăn yô̆ nđach ma phung oh mon May!

¹⁴ Ăp kêng ôi, dăn nau ueh May ƀư ăn hên geh nau mpay, Pôri lôch du njăr rêh hên mra mprơ maak răm.

¹⁵ May ƀư ăn ma hên geh nau răm maak gay ntrok tay lĕ nar nau May ƀư rêh ni ma hên, Jêh ri tâm ban ma lĕ năm hên saơ jêh nau mhĭk tât.

¹⁶ Ăn kan May mpơl ma phung oh mon May, Jêh ri nau chrêk rmah May ral ang ta phung kon khân păng!

¹⁷ Ăn nau yô̆ May jêng Brah Ndu phung hên ƀư tŭp ta klơ hên; Dăn May ƀư nâp nau kan ti phung hên; Di yơh, dăn ƀư nâp nau kan ti phung hên.