Nau Mprơ Ơm 87 - Nau Brah Ndu Ngơi 2023

Siôn jêng tu nau ueh uĭn ma phung mpôl băl bunuyh

Nau mprơ. Nau Mprơ Ơm kon sau Kôra

¹ Păng n'gân mbon ma ƀon Păng Ta klơ yôk kloh ueh.

² Brah Yêhôva rŏng ma lĕ mpông pêr Siôn Rlau lơn lĕ ntŭk Yakôb gŭ.

³ Ơ ƀon Brah Ndu, Bu hŏ lah jêh ma nau chrêk rmah ma may. (Sêla)

⁴ Gâp mra mbơh bri Rahap jêh ri Babilôn jêng phung gĭt năl gâp; Ri bri Philistin jêh ri ƀon Tyre đah bri Êthiôpi; Khân păng lah: “Bunuyh aơ bu deh jêh ta Siôn.”

⁵ Di yơh, bu mra lah ma Siôn pô aơ: “Nơm aơ jêh ri nơm ri bu deh jêh ta nây”; Nơm Dŭt Prêh yơh mra ndâk nâp Siôn.

⁶ Tơlah Brah Yêhôva nchih phung ƀon lan tâm ndrom samƀŭt Păng mra kơp pô aơ: “Nơm aơ bu deh jêh ta Siôn.” (Sêla)

⁷ Phung mprơ jêh ri phung pâl ntalơ̆ mra lah pô aơ: “Lĕ rngôch tu ueh uĭn gâp gŭ tâm May da dê.”