Nau Mprơ Ơm 82 - Nau Brah Ndu Ngơi 2023

Brah Ndu Jêng Nơm phat dôih sŏng

Nau Mprơ Ơm Y-Asap

¹ Brah Ndu gŭ tâm nau phung Păng tâm rƀŭn; Păng phat dôih ta nklang phung brah:

² “Khân may phat dôih mâu sŏng Jêh ri ndah nâm jŏ koh dŏng phung mhĭk? (Sêla)

³ Koh dŏng hom phung o ach jêh ri phung kon đơi; Phat dôih sŏng ma phung pưt kƀah jêh ri phung o ach.

⁴ Tâm rklaih hom phung rdja jêh ri phung pưt kƀah, Tâm rklaih khân păng bơh ti phung mhĭk.”

⁵ Khân păng mâu gĭt mâu lĕ gĭt rbăng, Khân păng chuat hăn tâm nau ngo klĕng; Yor nây, lĕ rngôch mbon neh ntu n'gơ jêh.

⁶ Gâp lah: “Khân may jêng brah Lĕ rngôch jêng kon bu klâu Nơm Dŭt Prêh.

⁷ Nđâp tơlah pônây, khân may mra khĭt nâm bu phung bunuyh, Jêh ri mra cha lôt nâm bu lĕ kôranh êng.”

⁸ Ơ Brah Ndu, dăn gơnh oi phat dôih neh ntu, Yorlah lĕ rngôch mpôl băl bunuyh jêng drăp ndơn May da dê.