Nau Mprơ Ơm 8 - Nau Brah Ndu Ngơi 2023

Nau chrêk rmah Brah Yêhôva jêh ri rnoh khlay kon bunuyh

Nau Mprơ Ơm Y-Đavit, ƀư nchih ma nơm gai mprơ, dŏng ndrel gong rêng

¹ Ơ Brah Yêhôva jêng Kôranh Brah hên, Amoh Kôranh Brah lư tâm lam neh ntu hâu ngăn! Nau rnam Păng rlau lĕ ndâr trôk!

² Gay plơng phung rlăng Kôranh Brah, Păng dŏng trôm mbung kon se jê̆ jêh ri kon se dôl pu gay ma ndâk njêng nau ktang Păng, Ƀư phung rlăng jêh ri phung plơng bôk mra gŭ rklăk.

³ Tơlah gâp n'gơr uănh lĕ ndâr trôk jêng nau kan tă bơh nglau ti Kôranh Brah, Măt khay jêh ri lĕ mănh mbing Kôranh Brah hŏ rhăk njêng jêh

⁴ Moh nau kon bunuyh jêng, kŏ Kôranh Brah kah gĭt ma khân păng? Moh kon bunuyh jêng dĭng Kôranh Brah chop khâl păng?

⁵ Kôranh Brah njêng kon bunuyh dêh lơn ma Brah Ndu du djê̆, Ndô ăn păng đon hađăch nau chrêk rmah jêh ri nau yơk.

⁶ Kôranh Brah ăn ma kon bunuyh nau dơi chiă uănh kan ti Kôranh Brah; Ăn lĕ rngôch ndơ tâm dâng jâng păng,

⁷ Lĕ rngôch phung biăp jêh ri mpa rong, Nâm bu lĕ mpa bri đŏng,

⁸ Sĭm klơ trôk jêh ri ka tâm dak mƀŭt Ndrel mpa rêh re mŭr tâm dâng dak mƀŭt.

⁹ Ơ Brah Yêhôva jêng Kôranh Brah hên, Amoh May lư lam klơ neh ntu hâu ngăn!