Nau Mprơ Ơm 76 - Nau Brah Ndu Ngơi 2023

Brah Ndu Yakôb jêng Nơm dơi

Nau Mprơ Ơm Asap. Nau mprơ ƀư nchih ma nơm gai mprơ, dŏng ma gong rêng rse

¹ Tâm n'gor Yuđa bu gĭt Brah Ndu, Amoh Păng dŭt toyh ngăn tâm nklang phung Israel.

² Ngih Bok Păng gŭ tâm ƀon Salem. Jêh ri ntŭk Păng gŭ ta ƀon Siôn.

³ Ta ntŭk nây, Păng nkê̆ch pă lơi lĕ hăr ŭnh, Khêl, đao jêh ri ndơ tâm lơh. (Sêla)

⁴ May chrêk rmah, geh nau rnam ngăn Plơ̆ sĭt bơh phung yôk ndơ bu sŏk pit.

⁵ Phung tahan janh ktang bu hŏ ntŭng pit jêh ndơ, Khân păng nơm gŭ tâm nau hăk bê̆ch; Mâu geh du huê nơm janh ktang Dơi mpư tur ti khân păng nơm.

⁶ Ơ Brah Ndu Yakôb, Tơlah May nduyh lah, seh nđâp ma phung ncho seh prah khĭt da dê.

⁷ Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

⁸ Tă bơh klơ trôk, May ntrŭnh nau phat dôih, Pôri neh ntu klach jêh ri gŭ rklăk.

⁹ Brah Ndu dâk phat dôih Gay tâm rklaih lĕ rngôch phung dêh rhêt ta neh ntu. (Sêla)

¹⁰ Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

¹¹ Ton hom ma Brah Yêhôva Brah Ndu, Jêh ri ƀư nau khân may ton jêh ma Păng. Lĕ rngôch bunuyh gŭ văr jŭm Păng Djôt hom ndơ nhhơr ma Nơm khư bu klach.

¹² Păng nkhĭt lơi nau sưr phung kôranh chiă uănh; Phung hađăch ta neh ntu klach ma Păng.