Nau Mprơ Ơm 61 - Nau Brah Ndu Ngơi 2023

Rnơm ma nau Brah Ndu koh dŏng

Nau Mprơ Ơm Y-Đavit, ƀư nchih ma nơm gai mprơ, dŏng ma gong rêng rse

¹ Ơ Brah Ndu, dăn iăt nau gâp kuăl mbơh sơm, Dăn rkêng iăt ma nau gâp mbơh sơm.

² Bơh ntŭk dŭt bri neh, gâp kuăl ma May Yorlah nuih n'hâm gâp rêh ni. Njŭn gâp tât ta lŭ toyh Prêh lơn ma gâp.

³ Yorlah May jêng ntŭk gâp gŭ krap, Jêng ntŭk tŭm nâp gay der luh bơh phung rlăng.

⁴ Gâp mra gŭ tâm ngih bok May ƀaƀơ. Gâp nde krap tâm dâng năr May. (Sêla)

⁵ Ơ Brah Ndu, May tăng jêh nau gâp ton, Ăn ma gâp drăp ndơn ma phung klach yơk ma amoh May.

⁶ May mra ntop năm ma hađăch rêh jŏ năm; Năm khay păng gŭ n'ho ro tâm lĕ rngôch rnôk.

⁷ Ăn păng gŭ ta sưng hađăch ƀaƀơ tanăp Brah Ndu; Dăn May ntrŭnh nau ueh jêh ri nau nanê̆ ngăn May mât mray păng.

⁸ Pônây gâp mra mprơ tâm rnê ma amoh May ƀaƀơ n'ho ro. Jêh ri ăp nar ƀư ăn nŭm lĕ nau gâp ton.