Nau Mprơ Ơm 6 - Nau Brah Ndu Ngơi 2023

Mbơh sơm dăn Kôranh Brah ƀư bah

Nau Mprơ Ơm Y-Đavit, ƀư nchih ăn ma nơm gai mprơ dŏng ndrel ma gong rêng rse, tĭng bâr râm

¹ Ơ Brah Yêhôva! Lơi ta nduyh gâp dôl May ji nuih, Lơi May nduyh nkra đŏng gâp tâm nau May ji nuih.

² Ơ Brah Yêhôva, yô̆ nđach ma gâp yorlah gâp huơi rgănh; Ơ Brah Yêhôva, dăn ƀư bah an gâp Yorlah nting nđăng gâp râm nsâr.

³ Brah Yêhôva ơi! Huêng gâp dŭt hâu uh ah ngăn; Ơ Kôranh Brah, ndah ding njŏ Kôranh Brah ƀư bah ma gâp?

⁴ Ơ Brah Yêhôva, dăn May rgâl nau mĭn jêh ri tâm rklaih kon, ăn kon dơi rklaih bơh nau khĭt; Sâm rklaih kon yor nau ueh May.

⁵ Yor tâm nau khĭt mâu hôm bunuyh kah gĭt ma Kôranh Brah; Ƀon phung khĭt mbu mra tâm rnê lah ueh ma May?

⁶ Gâp lĕ huăr yor lŭng nter, Ăp măng tâm sưng bê̆ch gâp mbĕ ma dak măt, Sưng gâp bê̆ch mbĕ dak măt nhĭm.

⁷ Măt kon tât chăng rhŏnh yor ma nau rngot, Lơ hâu huăr yor ma phung rlăng đah gâp.

⁸ Hơi lĕ rngôch phung ƀư mhĭk, khân may du ngai hom đah gâp, Yorlah Brah Yêhôva hŏ tăng jêh nau gâp nhĭm.

⁹ Brah Yêhôva hŏ tăng jêh nau gâp mbơh sơm, Păng dơn nau gâp kuăl mbơh sơm dŭt hâu ngăn.

¹⁰ Lĕ phung rlăng đah gâp mra bêk prêng jêh ri klach krit; Khân păng plơ̆ rŭch ndal, nau đit ƀât lât.