Nau Mprơ Ơm 43 - Nau Brah Ndu Ngơi 2023

Dăn Kôranh Brah tâm rklaih

¹ Ơ Brah Ndu! Dăn phat dôih ma gâp, Jêh ri koh dŏng nau gâp tâm rdâng đah du huê phung mâu chroh; Tâm rklaih hom gâp Bơh phung bunuyh ndơm jêh ri djơh mhĭk.

² Ơ Brah Ndu! May jêng pôih nâp ma gâp. Mâm ƀư May chalơi gâp? Mâm ƀư gâp rngot klâng. Tâm dâng nau tŭn jot phung rlăng?

³ Dăn nau ang jêh ri nau ngăn May sol ang Gay njŭn leo gâp ƀă, Njŭn gâp hao ta yôk kloh ueh, Jêng ntŭk May gŭ.

⁴ Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

⁵ Ơ huêng gâp, mâm ƀư may rdja nuih n'hâm jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê Păng đŏng: Yorlah Păng jêng Brah Ndu gâp jêh ri yor mâp măt Păng gâp dơi tâm rklaih.