Nau Mprơ Ơm 3 - Nau Brah Ndu Ngơi 2023

Nau mbơh sơm ơm ôi

Nau Mprơ Ơm Y-Đavit, ƀư nchih dôl păng nchuăt du ndĕ đah kon bu klâu păng jêng Y-Apsalôm.

¹ Brah Yêhôva ơi! Phung rlăng đah gâp mâm ƀư âk ngăn! Rnoh bunuyh dâk tâm rdâng đah gâp mâu dơi kơp ôh!

² Âk ngăn nơm lah ma gâp pô aơ: “Brah Ndu mâu mra tâm rklaih păng ôh.” (Sêla)

³ Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

⁴ Bâr gâp kuăl nteh dăn ma Brah Yêhôva, Jêh ri tă bơh yôk kloh ueh, May plơ̆ lah ma gâp. (Sêla)

⁵ Gâp lâng săk jêh ri hăk bê̆ch; Gâp kah rngăl, yorlah Brah Yêhôva chông n'hao gâp.

⁶ Gâp mâu mra klach ôh ma âk rbăn bunuyh Nchueng jŭm gâp puăn mpeh.

⁷ Ơ Brah Yêhôva, dăn tâm rklaih gâp! Ơ Brah Ndu gâp, tâm rklaih hom gâp! Yorlah Kôranh tap ta trô bom lĕ rngôch phung rlăng gâp Jêh ri nkê̆ch pă sêk phung mhĭk.

⁸ Nau tâm rklaih jêng Brah Yêhôva. Dăn Kôranh Brah ăn nau ueh uĭn ma phung ƀon lan May! (Sêla)