Nau Mprơ Ơm 29 - Nau Brah Ndu Ngơi 2023

Bâr Brah Yêhôva

Nau Mprơ Ơm Y-Đavit

¹ Ơ phung kon Brah Ndu, Yơk mbah Brah Yêhôva ma nau chrêk rmah jêh ri nau brah.

² Yơk mbah Brah Yêhôva ma nau chrêk rmah khư ma amoh Păng; Nkrơ̆ hom ma nau kloh ueh gay ma yơk mbah Brah Yêhôva.

³ Bâr Brah Yêhôva tăng ntoh ta klơ măt dak; Yêhôva Brah Ndu chrêk rmah luh lơp nglaih, Ta klơ dak mƀŭt jru.

⁴ Bâr Brah Yêhôva ktang ngăn; Bâr Brah Yêhôva rnam ngăn.

⁵ Bâr Brah Yêhôva nkê̆ch pă tơm si sêdar; Di yơh, Brah Yêhôva nkê̆ch pă tơm si sêdar tâm n'gor Liban.

⁶ Păng ƀư yôk Liban nsăt nâm bu ndrôk kon, Păng ƀư yôk Siriôn nsăt nâm bu ndrôk jê̆ bri.

⁷ Bâr Brah Yêhôva luh lơp nglaih nchrat ang.

⁸ Bâr Brah Yêhôva ƀư n'gơ n'găr bri rdah; Brah Yêhôva ƀư n'gơ n'găr ma bri rdah Kadês.

⁹ Bâr Brah Yêhôva ăn jun me deh kon, Ƀư ăn bri tơm si rŭng n'ha; Tâm ngih brah Păng, lĕ rngôch nter lah da dê: “Nau chrêk rmah yơh!”

¹⁰ Brah Yêhôva gŭ ta klơ dak lip; Di yơh, Brah Yêhôva gŭ ta klơ sưng hađăch tât n'ho ro.

¹¹ Dăn Brah Yêhôva ăn nau ktang ma phung ƀon lan Păng! Dăn Brah Yêhôva ăn nau ueh lăng đăp mpăn ma phung ƀon lan Păng.