Nau Mprơ Ơm 26 - Nau Brah Ndu Ngơi 2023

Nau mbơh sơm phung sŏng

Nau Mprơ Ơm Y-Đavit

¹ Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

² Ơ Brah Yêhôva! dăn sek uănh jêh ri rlong uănh gâp, Mêt uănh nuih n'hâm jêh ri nau mĭn gâp.

³ Yor nau ueh Kôranh Brah gŭ tanăp măt gâp, Jêh ri gâp hăn tâm trong nau ngăn May.

⁴ Gâp mâu gŭ ndrel ma phung mƀruh ôh, Mâu lĕ hăn ndrel ma phung nuih n'hâm nklă.

⁵ Gâp tâm rmot ma phung ƀư mhĭk, Mâu ŭch gŭ ndrel ma phung mƀruh ndơm.

⁶ Ơ Brah Yêhôva, gâp mra rao ti tâm nau mâu geh nau tih, Jêh ri hăn ndăch jŭm nơng ƀư brah May.

⁷ Gay ma bâr huy tâm rnê Jêh ri nkoch tay lĕ nau kan khlay Kôranh Brah.

⁸ Ơ Brah Yêhôva, gâp rŏng ngih May gŭ, Jêh ri ntŭk chrêk rmah May.

⁹ Lơi ta sŏk huêng gâp hăn ndrel ma phung tih, Mâu lĕ may chalơi nau rêh gâp ndrel ma phung ƀư rung mham.

¹⁰ Ti khân păng ƀư nau mhĭk, Ti ma khân păng bêng ma ndơ bu blŏl.

¹¹ Bi ma gâp, gâp mra chuat hăn tâm nau di, Dăn may chuai gâp jêh ri yô̆ nđach gâp ƀă.

¹² Jâng gâp gŭ dâk ta klơ neh lâng; Gâp mra tâm rnê ma Brah Yêhôva ta nklang phung tâm rƀŭn.