Nau Mprơ Ơm 20 - Nau Brah Ndu Ngơi 2023

Mbơh sơm dăn Kôranh Brah kơl dơi đah phung rlăng

Nau Mprơ Ơm Y-Đavit, ƀư nchih ma nơm gai mprơ

¹ Ăn Brah Yêhôva lŏ plơ̆ lah nau hađăch tâm nar rêh ni! Ăn amoh Brah Ndu Yakôb king n'gang may!

² Bơh ntŭk kloh ueh, dăn Păng yơr ti kơl hađăch Bơh Siôn dăn Kôranh Brah kơl rdâng hađăch!

³ Ăn Păng kah gĭt ma lĕ rngôch ndơ may nhhơr, Jêh ri maak dơn lĕ ndơ may ƀư brah gŭch! (Sêla)

⁴ Dăn Păng ăn ma hađăch nau nuih n'hâm may ŭch, Jêh ri ƀư jêng lĕ nau may mĭn ƀư!

⁵ Hên răm rhơn yorlah dơi rklaih may, Tâm amoh Brah Ndu, hên n'hao prêh n'ha kơ hên. Dăn Brah Yêhôva ƀư dơi jêng lĕ nau hađăch vah vơl.

⁶ Abaơ gâp gĭt Brah Yêhôva tâm rklaih nơm Păng troch dak ngi; Tă bơh trôk ntŭk kloh ueh Păng mra plơ̆ lah nau hađăch mbơh sơm Ma nau brah tâm rklaih bơh ti ma Păng.

⁷ Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

⁸ Lĕ bunuyh rnơm nsing ma seh jêh ri ma ndeh bu mra n'glưh lơi jêh ri prah, Bi ma he mra dâk jêh ri dâk sŏng.

⁹ Ơ Brah Yêhôva jêng Hađăch, dăn kơl an! Ăn May dơn mplơ̆ lah ma hên tâm nar hên kuăl!