Nau Mprơ Ơm 16 - Nau Brah Ndu Ngơi 2023

Brah Yêhôva jêng nơm ăn nau ueh jêh ri tâm rklaih

Nau Mprơ Ơm Y-Đavit

¹ Ơ Brah Ndu! Dăn king n'gang gâp Yorlah gâp nde krap tâm May.

² Gâp lah ma Brah Yêhôva pô aơ: “May Jêng Kôranh Brah gâp, Padih May, gâp mâu geh nau ueh êng ôh.”

³ Bi ma lĕ phung kloh ueh tâm neh ntu aơ, Khân păng jêng phung sŏng gâp geh lĕ nau maak.

⁴ Ndrel ma phung hăn tĭng lĕ brah phung bu năch, ƀư ntop nau rngot êng ma khân păng nơm. Gâp mâu mra dŏng mham ƀư ndơ nhhơr nhêt ma khân păng, Mâu ngơi lĕ amoh khân păng ma bâr mbung gâp.

⁵ Brah Yêhôva jêng drăp ndơn jêh ri jêng kachok gâp; Păng yơh chiă uănh jêng drăp ndơ gâp

⁶ Nkual neh gâp tŭp tâm ntŭk neh ueh; Gâp dơi geh drăp ndơn ueh ngăn.

⁷ Gâp mra tâm rnê ma Brah Yêhôva jêng Nơm nkah an ma gâp; Nuih n'hâm gâp dôl măng ăt nkah gâp.

⁸ Gâp ăn Brah Yêhôva dâk tanăp gâp; Gâp mâu mra mpât n'gơ ôh yorlah păng gŭ mpeh pa ma gâp.

⁹ Yor nây, nuih n'hâm gâp maak, huêng gâp răm rhơn; Nglay săk gâp ăt mra rlu.

¹⁰ Yorlah Kôranh Brah mâu mra chalơi huêng gâp tâm ƀon phung khĭt; Mâu đŏng ăn phung răp jăp May saơ môch.

¹¹ Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.