Nau Mprơ Ơm 15 - Nau Brah Ndu Ngơi 2023

Nuih n'hâm Bunuyh ueh dơi gŭ ta Siôn

Nau Mprơ Ơm Y-Đavit

¹ Ơ Brah Yêhôva, mbu mra gŭ tâm ngih bok May? Mbu mra gŭ ta yôk kloh May?

² Nây jêng bunuyh chuat hăn ma nau sŏng, ƀư nau sŏng srăng, Jêh ri ngơi nau nanê̆ ngăn bơh tâm nuih n'hâm păng;

³ Păng geh mpiăt mâu ngơi nchơt, Mâu lĕ ƀư mhĭk ma mĭt jiăng, Mâu đŏng srih nau bêk prêng phung chiau meng păng;

⁴ Păng mưch rmot ma phung djơh mhĭk, Ƀiălah yơk ma phung blau yơk ma Brah Yêhôva; Păng hŏ ton jêh Nđâp tơlah nau huach ăt mâu rgâl ôh;

⁵ Păng mâu ăn chan prăk sŏk kao, Mâu lĕ sŏk dơn ndơ blŏl gay ƀư mhĭk bunuyh mâu geh nau tih. Mbu nơm ƀư pônây Mâu mra mâp nau mpât n'gơ ôh.